മലയാളത്തില്‍ ‘ചന്ദ്രലേഖ’യടക്കം ഒട്ടേറെ നല്ല സിനിമകളില്‍ മുഖം കാണിച്ചിട്ടുള്ള പൂജ ബദ്ര പ്രേക്ഷകരില്‍ നിന്നു നീണ്ടനാളത്തെ ഇടവേളയെടുത്ത് അകന്നു നില്‍ക്കുകയായിരുന്നു. ‘ചന്ദ്രലേഖ’യ്ക്ക് ശേഷം ‘മേഘം’, ‘ദൈവത്തിന്‍റെ മകന്‍’ എന്നീ സിനിമകളിലും പൂജ ശ്രദ്ധേയമായ വേഷം അവതരിപ്പിച്ചിരുന്നു. പിന്നീടു മലയാള സിനിമാ ഫീല്‍ഡില്‍ നിന്നു അപ്രത്യക്ഷയായ നടിയെക്കുറിച്ച് ആരും കൂടുതല്‍ ചര്‍ച്ച ചെയ്തില്ല. മോഹന്‍ലാല്‍, മമ്മൂട്ടി, ജയറാം തുടങ്ങിയ മുന്‍നിര നായകന്മാരുടെ നായികയായി അഭിനയിച്ച പൂജ ബദ്ര വീണ്ടും മലയാള സിനിമയിലേക്ക് തിരിച്ചെത്തുമെന്ന പ്രതീക്ഷയിലാണ് പ്രേക്ഷകര്‍. നിരവധി പഴയ നായിക നടിമാര്‍ സിനിമയിലേക്ക് മടങ്ങി വരുന്ന ഈ വേളയില്‍ “താന്‍ ഇവിടെയുണ്ട്” എന്ന ഓര്‍മപ്പെടുത്തല്‍ നല്‍കുകയാണ് പൂജ. നോര്‍വയില്‍ അവധിക്കാലം ആഘോഷിക്കുന്ന ചിത്രങ്ങള്‍ ഫേസ്ബുക്കില്‍ പങ്കുവച്ചുകൊണ്ടാണ് പൂജ വീണ്ടും പ്രേക്ഷകര്‍ക്ക് മുന്നിലെത്തിയത്.
Post Your Comments