മലയാള സിനിമയിലെ സജീവ സാന്നിധ്യമായ ഹരീഷ് പേരാടി തമിഴ് ചിത്രങ്ങളിലൂടെയും പ്രേക്ഷകമനസ്സ് കീഴടക്കുന്നു. പുഷ്കര്‍-ഗായത്രി സംവിധാനം ചെയ്ത ‘വിക്രം വേദ’ എന്ന ചിത്രത്തില്‍ ‘ചേട്ടന്‍’ എന്ന കഥാപാത്രത്തെയാണ് ഹരീഷ് അവതരിപ്പിക്കുന്നത്. വിജയ്‌ സേതുപതിയുമായുള്ള ഹരീഷിന്‍റെ കോമ്പിനേഷന്‍ സീനുകള്‍ പ്രേക്ഷകര്‍ കയ്യടികളോടെയാണ് സ്വീകരിക്കുന്നത്. ഇളയദളപതി വിജയിയുടെ ‘മെര്‍സല്‍’ എന്ന ചിത്രത്തിലും ഹരീഷ് പേരാടി സുപ്രധാനമായ ഒരു വേഷത്തിലെത്തുന്നു. ഇതിനോടകം കോളിവുഡില്‍ നിന്നു നിരവധി അവസരങ്ങളാണ് ഹരീഷിനെ തേടിയെത്തിയിരിക്കുന്നത്. സൗത്ത് ഇന്ത്യന്‍ സിനിമാ ലോകത്ത് ഒഴിച്ചു നിര്‍ത്താനാവാത്ത അഭിനേതാവായി ഹരീഷ് പേരാടി മാറുകയാണ്‌.
Post Your Comments