ശ്യാം പുഷ്കരന്‍റെ ഭാര്യ വരുന്നു; പുത്തന്‍ മേക്കോവറില്‍

ആഷിക് അബു സംവിധാനം ചെയ്യുന്ന മായാനദി എന്ന ചിത്രത്തില്‍ തിരക്കഥാകൃത്ത് ശ്യാം പുഷ്കരന്റെ ഭാര്യ ഉണ്ണിമായ വ്യത്യസ്ത വേഷപകര്‍ച്ചയുമായി എത്തുന്നു.

ദിലീഷ് പോത്തന്‍ സംവിധാനം ചെയ്ത മഹേഷിന്റെ പ്രതികാരത്തിലൂടെ ഒരു രംഗത്ത് വന്നു പൊട്ടിച്ചിരിപ്പിച്ചു പോയ ഉണ്ണിമായുടെ പ്രകടനം ആരും മറക്കാനിടയില്ല. ചിത്രത്തില്‍ വളരെ റിയലസ്റ്റിക് അഭിനയ രീതിയായിരുന്നു ഉണ്ണിമായയുടേത്. ദിലീഷ് പോത്തന്റെ ഭാര്യയായി അഭിനയിച്ച ഉണ്ണിമായ സാറ എന്ന കഥാപാത്രത്തെ വളരെ രസകരമാക്കിയിരുന്നു. ആര്‍ക്കിടെക്റ്റായ ഉണ്ണിമായ ജോലി രാജിവച്ചാണ് വീണ്ടും അഭിനയ രംഗത്ത് സജീവമാകുന്നത്. മായാനദിയുടെ തിരക്കഥ തയ്യാറാക്കിയിരിക്കുന്നത് ദിലീഷ് പോത്തനും, ശ്യാം പുഷ്കരനും ചേര്‍ന്നാണ്.