ജിബു ജേക്കബ് സംവിധാനം ചെയ്ത മോഹന്‍ലാല്‍ ചിത്രം ‘മുന്തിരിവള്ളികള്‍ തളിര്‍ക്കുമ്പോള്‍’ എന്ന ചിത്രത്തിന്‍റെ നൂറാം ദിവസ ആഘോഷം നടന്നു. മേജര്‍ രവിയടക്കം ചടങ്ങില്‍ നിരവധി പ്രമുഖര്‍ പങ്കെടുത്തു. ചടങ്ങിലെ മുഖ്യ ആകര്‍ഷണം വെള്ളമുണ്ടും വെള്ള ഷര്‍ട്ടും ധരിച്ചെത്തിയ മലയാളത്തിന്‍റെ പ്രിയനടന്‍ മോഹന്‍ലാല്‍ ആയിരുന്നു. സോഫിയ പോള്‍ നിര്‍മ്മിച്ച മുന്തിരി വള്ളികള്‍ തളിര്‍ക്കുമ്പോള്‍ ബോക്സോഫീസില്‍ 50 കോടിയിലധികം കളക്ഷന്‍ നേടിയാണ്‌ തിയേറ്റര്‍ വിട്ടത്. ഉലഹന്നാന്‍റെയും,ആനിയമ്മയുടെയും രസകരമായ ഫാമിലി സ്റ്റോറി അവതരിപ്പിച്ച ചിത്രത്തിന്‍റെ തിരക്കഥ സിന്ധു രാജിന്‍റെതാണ്. വി.ജെ ജെയിംസിന്റെ ചെറുകഥയായ ‘പ്രണയോപനിഷത്ത്’, മറ്റൊരു കഥയായ ‘സ്കൂളില്‍ പോയ പെണ്‍കുട്ടി’ എന്നീ രണ്ടു കഥകളെ ആസ്പദമാക്കിയുള്ളതാണ് മുന്തിരി വള്ളികള്‍ തളിര്‍ക്കുമ്പോള്‍ എന്ന ചിത്രം.
Post Your Comments