മമ്മൂട്ടിയെ സൂപ്പര്‍ താരമാക്കി ഉയര്‍ത്തിക്കൊണ്ടു വന്ന ചിത്രമാണ് 1987-ല്‍ പുറത്തിറങ്ങിയ ന്യൂഡല്‍ഹി. ജി.കെ എന്ന പത്രാധിപരായിട്ടാണ് ചിത്രത്തില്‍ മമ്മൂട്ടി അഭിനയിച്ചത്. ജോഷി സംവിധാനം ചെയ്ത ന്യൂഡല്‍ഹിയുടെ തിരക്കഥ എഴുതിയത് ഡെന്നിസ് ജോസഫായിരുന്നു. ന്യൂഡല്‍ഹി പിറന്നിട്ട് 30 വര്‍ഷം പിന്നിടുന്ന വേളയില്‍ ചിത്രത്തിന്‍റെ അണിയറ ടീമിന് ചിത്രത്തിന്‍റെ ക്യാമറാമാന്‍ ജയാനന്‍ വിന്‍സെന്‍റ് ഫേസ്ബുക്ക് പോസ്റ്റിലൂടെ അഭിനന്ദനമറിയിച്ചു. മമ്മൂട്ടിയുടെ താരപദവി ഉയര്‍ത്തിയ ന്യൂഡല്‍ഹിയിലെ നായികമാര്‍ ഉര്‍വശിയും, സുമലതയുമായിരുന്നു. ബോക്സോഫീസില്‍ മികച്ച വിജയം നേടിയ ചിത്രം ജൂബിലി പ്രൊഡക്ഷന്‍സിന്‍റെ ബാനറില്‍ ജോയ് തോമസാണ് നിര്‍മ്മിച്ചത്.
Post Your Comments