രഞ്ജന്‍ പ്രമോദ് സംവിധാനം ചെയ്ത ഫോട്ടോഗ്രാഫര്‍ എന്ന ചിത്രത്തിലൂടെ ശ്രദ്ധ നേടിയ താരമാണ് മണി. ചിത്രത്തിലെ പ്രകടനത്തിന് മണിക്ക് സംസ്ഥാന സര്‍ക്കാരിന്റെ ആ വര്‍ഷത്തെ മികച്ച ബാലതാരത്തിനുള്ള പുരസ്കാരവും ലഭിച്ചിരുന്നു. 12 വര്‍ഷങ്ങള്‍ക്ക് ശേഷം ‘ഉടലാഴം’ എന്ന ചിത്രത്തിലൂടെ തിരിച്ചെത്തുകയാണ് മണി. ചിത്രത്തിന്റെ പോസ്റ്റര്‍ നായികയായ അനുമോള്‍ തന്റെ ഫേസ്ബുക്ക് പേജിലൂടെ ഷെയര്‍ ചെയ്തിരുന്നു. അതിനു താഴെ വന്ന പരിഹാസം കലര്‍ന്ന കമന്റാണ് നായികയെ ചൊടിപ്പിച്ചത്‌. മണിയെ പരിഹസിച്ചു കൊണ്ടുള്ളതായിരുന്നു ഫേസ്ബുക്ക് കമന്റ്. അനുമോള്‍ കമന്റിന് കൃത്യമായ മറുപടിയും നല്‍കി.
“മാന്യതയോടെ പെരുമാറൂ, അഭിനയിക്കാന്‍ മിടുക്ക് ഉള്ളവരെയാണ് സിനിമക്ക് വേണ്ടത്, അല്ലാതെ നാക്കിന് എല്ലില്ലാത്തവരെയല്ല”. അനുമോള്‍ ഫേസ്ബുക്കില്‍ കുറിച്ചു.
Post Your Comments