റിലീസ് ചിത്രങ്ങള്‍ക്കും സിനിമാ വ്യവസായത്തിനും വെല്ലുവിളി ഉയര്‍ത്തുന്ന തമിഴ്റോക്കേഴ്സിന് പിറകിലുള്ള വ്യക്തിയെ കണ്ടെത്തി കഴിഞ്ഞുവെന്ന് വിശാല്‍. ‘പുതിയ ചിത്രമായ ‘തുപ്പരിവാല’ന്റെ പ്രചരണ പരിപാടികള്‍ക്കിടെയാണ് വിശാലിന്റെ വെളിപ്പെടുത്തല്‍.’ആഗസ്റ്റ് രണ്ടാം വാരത്തില്‍ ഞാന്‍ ഒരു പ്രധാനപ്പെട്ട പ്രഖ്യാപനം നടത്തും. സിനിമ പ്രചരിപ്പിക്കുന്ന കള്ളനെ ഞാന്‍ കണ്ടെത്തി കഴിഞ്ഞു. അവന്‍ ആരാണെന്നും അവന്‍ എവിടെയാണെന്നും എനിക്കറിയാം. കുറച്ചു ദിവസങ്ങള്‍ക്കുള്ളില്‍ അയാളാരാണെന്ന് നിങ്ങളും അറിയും.’തുപ്പരിവാല’നില്‍ ഞാന്‍ ഒരു കുറ്റാന്വേഷകന്റെ കഥാപാത്രത്തെയാണ് അവതരിപ്പിക്കുന്നത്. പൈറസിയെക്കുറിച്ച്‌ യഥാര്‍ത്ഥ ജീവിതത്തില്‍ അന്വേഷിച്ചപ്പോള്‍ കഥാപാത്രത്തിന് വേണ്ടി പണിപ്പെടേണ്ടി വന്നില്ലയെന്നും” – വിശാല്‍ പറഞ്ഞു.
സൂപ്പര്‍ ഹിറ്റായി ഒാടുന്ന ചിത്രങ്ങളുടെ സെന്‍സര്‍ കോപ്പികള്‍ ചോരുന്നത് സ്ഥിരം കാഴ്ചയാണ്. വ്യാജ പ്രിന്റുകള്‍ ഇറക്കുന്നവരില്‍ കുപ്രസിദ്ധരാണ് തമിഴ് റോക്കേഴ്സ്. സൂര്യ വിജയ്‌ ചിത്രങ്ങളുടെ നിര്‍മ്മാതാക്കളും തമിഴ് റോക്കേഴ്സും തമ്മില്‍ ഉണ്ടായ വാദപ്രതിവാദം സിനിമാ മേഖലയില്‍ വലിയ ചര്‍ച്ചയായിരുന്നു.
Post Your Comments