ചെന്നൈ എയ‍ർപോ‍ർട്ടിൽ പ്രണവ് ക്യൂവിൽ നിൽക്കുന്ന ചിത്രം സോഷ്യൽ മീഡിയയിൽ കഴിഞ്ഞ ദിവസം പ്രചരിച്ചിരുന്നു. മോളിവുഡിലെ സൂപ്പര്‍ഹീറോയുടെ പുത്രന് ചെന്നൈ എയര്‍പോര്‍ട്ടില്‍ ഒരു കാര്യത്തിനായും ക്യൂ നില്‍ക്കേണ്ടതായ ഒരു ആവശ്യവും വരേണ്ടി വരില്ല. എന്നാല്‍ പ്രണവ് അത്തരം കാര്യങ്ങളില്‍ വിഭിന്നമായ ചിന്താഗതി സൂക്ഷിക്കുന്നയാളാണ്. പല സെലിബ്രിറ്റികളും അവരുടെ സ്വാധീനം ഉപയോഗിച്ച് അത്തരം തിരക്കുകളില്‍ നിന്നു പുറത്തു കടക്കുന്നതാണ് പതിവ്. പ്രണവ് മോഹന്‍ലാല്‍ അതില്‍ നിന്നൊക്കെ വ്യത്യസ്തനായി എയര്‍പോര്‍ട്ടില്‍ അക്ഷമയോടെ ക്യൂ നില്‍ക്കുന്ന ചിത്രമാണ്‌ ഇപ്പോള്‍ സോഷ്യല്‍ മീഡിയയില്‍ പ്രചരിക്കുന്നത്. ‘ആദി’ എന്ന ജീത്തു ജോസഫ് ചിത്രത്തില്‍ നായകനായി അഭിനയിക്കാനുള്ള തയ്യാറെടുപ്പിലാണ് പ്രണവ്. ചിത്രത്തിന്‍റെ പൂജ രണ്ടാഴ്ച മുന്‍പ് തിരുവനന്തപുരത്ത് വച്ച് നടന്നിരുന്നു.
Post Your Comments