ദിലീപിനെ വിമർശിക്കുന്നവർക്ക് കലാഭവൻ റഹ്മാന്റെ മറുപടി

കോടതിയുടെ വിധി വരാത്ത സാഹചര്യത്തിൽ ദിലീപിനെ കുറ്റവാളിയായി ചിത്രീകരിക്കുന്നതിൽ എതിർപ്പ് പ്രകടിപ്പിച്ച് നിരവധി സിനിമാ പ്രവർത്തകർ രംഗത്തെത്തി കഴിഞ്ഞു. മിമിക്രി രംഗത്ത് നിന്ന് സിനിമയിലെത്തിയ കലാഭവൻ റഹ്മാനാണ് ഒടുവിലായി ദിലീപിന് പിന്തുണയുമായി എത്തിയത്. ദിലീപിനെ വിമർശിക്കുന്നവർക്ക് തക്കതായ മറുപടി നൽകികൊണ്ടായിരുന്നു കലാഭവൻ റഹ്മാന്റെ ഫേസ്ബുക്കിലെ പ്രതികരണം.

പ്രിയപ്പെട്ട മലയാള സിനിമയേ സ്നേഹിക്കുന്നവരെ, നിങ്ങൾക്ക് ഇഷ്ടപ്പെട്ട സിനിമ പ്രവർത്തകർ വളരെ വിഷമത്തോടെ പോകുന്ന ദിവസങ്ങളാണിത് ദിലീപിനെതിരെ കുറ്റം ആരോപിച്ച് അദ്ദേഹം പ്രതിയായിരിക്കുന്നു, അദ്ദേഹവുമായി ബന്ധപ്പെട്ട് സ്ഥാപനങ്ങൾ തല്ലിപൊളിക്കുന്നു, ദിലീപിന്റെ സ്ഥാപനങ്ങളിൽ ഒട്ടേറെ പണം മുടക്കിയ സഹപ്രവർത്തകർ വെറെയുമുണ്ട് അവർക്ക് നിങ്ങളെപ്പോല കുടുംബമുണ്ട്, നിങ്ങൾ കാണുന്ന ചാനലുകളിൽ സിനിമയിൽ ഒരു പണിയുമില്ലാത്ത ഒരു കുട്ടർ അദ്ദേഹത്തെ തെറി വിളിക്കുന്നു ഒന്നു മനസ്സിലക്കണം, ദിലീപ് തെറ്റു ചെയ്തിട്ടുണ്ടെങ്കിൽ ബഹുമാന നീതിപീഠം ശിക്ഷ വിധിക്കട്ടെ അവിടെ ദീലിപ് കുറ്റവാളിയാണ് അതിനോട് വിയോജിപ്പില്ല കുറ്റം ചെയ്തവൻ ശിക്ഷക്ക് അർഹനാണ്, അതിനു മുമ്പ് നിങ്ങൾക്ക് കലാരംഗത്ത് ഒരു പാട് സന്തോഷം തന്നാ ഒരുപാട് നിങ്ങളെ ചിരിപ്പിച്ച, ആ കലാക്കാരനെ ചെളി വാരിയെറിയരുത് വിനയപ്പുർവ്വം:
കലാഭവൻ റഹ്മാൻ