മലയാളത്തില്‍ കര്‍ണ്ണനു മുന്‍പ് മറ്റൊരു ചരിത്ര സിനിമയുമായി മമ്മൂട്ടി എത്തുമെന്നു സൂചന. മാമാങ്കത്തിന്‍റെ പശ്ചാത്തലത്തിലാണ് ചിത്രം ഒരുങ്ങുന്നതെന്നും റിപ്പോര്‍ട്ട്. ചിത്രത്തില്‍ ഒരു യോദ്ധാവിന്‍റെ വേഷത്തിലാണ് മമ്മൂട്ടി എത്തുക. ഒരു വടക്കന്‍ വീരഗാഥ, പഴശ്ശിരാജ പോലെ ചരിത്രത്തിന് പ്രധാന്യം നല്‍കുന്ന ചിത്രമാകും ഇതും എന്നാണ് റിപ്പോര്‍ട്ടുകള്‍ .
പൃഥിരാജിന്റെ കര്‍ണന്‍ നിര്‍മ്മിക്കുന്ന വേണു ഇല്ലംപള്ളി തന്നെയാണ് ഈ ചിത്രത്തിന്റെയും നിര്‍മ്മാതാവ്. ബിഗ് ബഡ്ജറ്റ് ചിത്രമായാണ് ഈ ചിത്രവും ഒരുങ്ങുന്നത്. ഉദയകൃഷ്ണ എഴുതുന്ന മാസ്റ്റര്‍പ്പീസ്, 7th ഡേ സംവിധായകന്‍ ഒരുക്കുന്ന പേരിടാത്ത ചിത്രം, നാഷണല്‍ അവാര്‍ഡ് ജേതാവ് റാം ഒരുക്കുന്ന തമിഴ് ചിത്രം പേരന്‍പ്, എഴുത്തുകാരന്‍ സേതു ആദ്യമായി സംവിധാനം ചെയ്യുന്ന കോഴി തങ്കച്ചന്‍, സൂപ്പര്‍ ഹിറ്റ് ചിത്രം പോക്കിരിരാജയുടെ രണ്ടാം ഭാഗമായി എഴുതുന്ന രാജ 2 എന്നിവയാണ് അണിയറയില്‍ ഒരുങ്ങുന്നത്.
Post Your Comments