കോക്‌ടെയില്‍, ഈ അടുത്തകാലത്ത്, ലെഫ്റ്റ് റൈറ്റ് ലെഫ്റ്റ്, വണ്‍ ബൈ ടു എന്നീ ചിത്രങ്ങള്‍ സംവിധാനം ചെയ്ത അരുണ്‍ കുമാര്‍ അരവിന്ദിന്‍റെ പുതിയ ചിത്രമാണ് കാറ്റ്. ആസിഫ് അലി നായകനാകുന്ന ഈ ചിത്രത്തിന്‍റെ തിരക്കഥ ഒരുക്കിയിരിക്കുന്നത് പി പത്മരാജന്റെ ചെറുകഥയെ ആസ്പദമാക്കി മകന്‍ അനന്തപത്മനാഭനാണ്. മുരളി ഗോപിയും സിനിമയില്‍ ഒരു പ്രധാന കഥാപാത്രത്തെ അവതരിപ്പിക്കുന്നു. മുരളി ഗോപിയുടെ കഥാപാത്രത്തെ കുറിച്ചുള്ള വിവരങ്ങള്‍ സംവിധായകന്‍ തന്നെ ഫേസ്ബുക്കിലൂടെ പുറത്തുവിട്ടു.
ചെല്ലപ്പന് എന്ന കഥാപാത്രമായാണ് മുരളി ഗോപി സിനിമയില്‍ അഭിനയിക്കുന്നത്. പരുക്കനായ ഒരു കഥാപാത്രമാണ് ചെല്ലപ്പന്. എന്നാല്‍ മഹാ മോശം ആളാണോ അല്ല നല്ല ആളാണോ എന്ന് പറയാന്‍ പറ്റില്ല. ഒരു മനുഷ്യന്റെ എല്ലാത്തരം വികാരങ്ങളിലൂടെയും പോകുന്ന ആളാണ് ചെല്ലപ്പന്. രൂപം കൊണ്ടും ചെല്ലപ്പന് അനുയോജ്യനായായ ആളാണ് മുരളി ഗോപി. ഞാന്‍ ഉദ്ദേശിച്ചതിലധികം പ്രകടനം വെള്ളിത്തിരയില്‍ മുരളി ഗോപിയില്‍ നിന്നുണ്ടാകും എന്ന് ഉറപ്പുണ്ട്- അരുണ്‍ കുമാര്‍ അരവിന്ദ് പറയുന്നു.
ദീപക് ദേവ് സംഗീതമൊരുക്കുന്ന ചിത്രം ഒരു പ്രതികാരകഥയാണ് പറയുന്നത്.
Post Your Comments