വില്ലന്‍, വെളിപാടിന്റെ പുസ്തകം തുടങ്ങി സിനിമകളുടെ ചിത്രീകരണ തിരക്കിലായിരുന്ന മോഹന്‍ലാല്‍ മലയാള സിനിമയില്‍ നിന്ന് വിട്ടുനില്‍ക്കുന്നതായി റിപ്പോര്‍ട്ട്. എന്നാല്‍ താരം സിനിമയില്‍ നിന്ന് ഇടവേളയെടുക്കുന്നത് വിശ്രമ ജീവിതം നയിക്കാനല്ല. മഹാഭാരതത്തിലെ ഭീമനാകാനുള്ള മുന്നൊരുക്കത്തിന്റെ ഭാഗമായിട്ടാണ് മോഹന്‍ലാല്‍ സിനിമകളില്‍ നിന്ന് മാറിനില്‍ക്കുന്നത്. ചിത്രീകരണം പുരോഗമിക്കുന്ന ലാല്‍ജോസ് ചിത്രത്തിന് ശേഷം മോഹന്‍ലാല്‍ ഭീമാനാകാനുള്ള തയ്യാറെടുപ്പിലേക്ക് കടക്കുക. എന്നാല്‍ ഇത് സംബന്ധിച്ച്‌ ഔദ്യോഗിക വിവരണം ഒന്നും ഇതുവരെ പുറത്ത് വിട്ടിട്ടില്ല.ഭീമനാകാന്‍ വേണ്ടി ശരീരഘടനയില്‍ മാറ്റം വരുത്താന്‍ വേണ്ടിയാണ് മോഹന്‍ലാല്‍ സിനിമയില്‍ നിന്ന് ഇടവേളയെടുക്കുന്നതെന്നാണ് റിപ്പോര്‍ട്ട്. ബിആര്‍ ഷെട്ടി നിര്‍മ്മിക്കുന്ന മഹാഭാരതം സംവിധാനം ചെയ്യുന്നത് വിഎ ശ്രീകുമാര്‍ മേനോനാണ്.
Post Your Comments