ചെറിയ വേഷങ്ങളിലൂടെ മലയാള സിനിമയിലേക്ക് കടന്നു വന്ന താരമാണ് ജോജു ജോര്‍ജ്ജ്. ഇപ്പോള്‍ അഭിനയ പ്രാധാന്യമുള്ള വേഷങ്ങളാണ് ജോജുവിന് കൂടുതലായും കിട്ടാറുള്ളത്. സിനിമാ നിര്‍മ്മാണ രംഗത്തും ജോജു സജീവമാണ്. ദുലഖര്‍ നായകനായ ‘ചാര്‍ലി’യുടെയും ഇപ്പോള്‍ ചിത്രീകരണം നടന്നുക്കൊണ്ടിരിക്കുന്ന ‘ഉദാഹരണം സുജാത’യുടേയും നിര്‍മ്മാണ പങ്കാളിയാണ് ജോജു. താന്‍ ആദ്യമായി മമ്മൂട്ടിയെ നേരില്‍ക്കണ്ട അനുഭവത്തെക്കുറിച്ച് തുറന്നു പറയുകയാണ്‌ ജോജു ജോര്‍ജ്ജ്. നാന സിനിമാ വാരികയിലാണ് മമ്മൂട്ടിയെ ആദ്യമായികണ്ട അനുഭവത്തെക്കുറിച്ച് ജോജു വിവരിച്ചത്.
വര്‍ഷങ്ങള്‍ക്ക് മുന്‍പ് എയര്‍പോര്‍ട്ടില്‍ ഒരു സുഹൃത്തിനെ യാത്രയാക്കാന്‍ പോയപ്പോഴാണ് ആദ്യമായി മമ്മൂട്ടിയെ ജോജു കാണുന്നത്. എയര്‍പോര്‍ട്ടില്‍ വച്ച് കാറില്‍ കയറി പോയ മമ്മൂട്ടിയെ ജോജു പിന്തുടര്‍ന്നു. റെയില്‍വേ ഗേറ്റിനടുത്തുവെച്ച് മമ്മൂട്ടിയുടെ വാഹനത്തിന് കുറുകെ ജോജു തന്റെ വാഹനം നിര്‍ത്തിയിട്ടു. ജോജു മമ്മൂട്ടിയുടെ സമീപത്തെത്തി. തന്റെ ആരാധകനാണ് ജോജുവെന്നു മനസ്സിലാക്കിയ മമ്മൂട്ടി വിന്‍ഡ് ഗ്ലാസ് തുറന്നുകൊടുത്തു. ഒടുവില്‍ ജോജു മമ്മൂട്ടിയുടെ മുന്‍പില്‍ വച്ച് തന്നെ തന്റെ ഇഷ്ടതാരത്തെ അനുകരിച്ച് കാണിക്കുകയും ചെയ്തു. പിന്നീടു തന്റെ ഇഷ്ടതാരത്തോടൊപ്പം നിരവധി സിനിമകളിലാണ് ജോജു ജോര്‍ജ്ജ് അഭിനയിച്ചത്.
Post Your Comments