സർക്കാരിന്റെയും പൊലീസിന്റെയും നിലപാടുകളെ ചോദ്യം ചെയ്‌തു സംവിധായകൻ ഡോ. ബിജു

ജനറൽ ആശുപത്രിയിൽ വെച്ച സമരം ചെയ്യുന്ന ജനങ്ങളോട് നീ ഒന്നും ശബ്ദിക്കരുത്… കമ്മീഷണറോട് കളിക്കാറായോ എന്നു അലറി വിളിച്ചു ചോദിക്കുന്ന പൊലീസിനെയും മാവോയിസ്റ്റാണെന്നു ചൂണ്ടിക്കാട്ടി ഒരു വൃദ്ധനെയും പെൺകുട്ടിയെയും പിന്നിൽ നിന്ന് വെടിവെച്ചിട്ട പോലീസിനെയും നമ്മൾ കണ്ടുകഴിഞ്ഞു. സ്‌ത്രീകളെയും കുട്ടികളെയും വൃദ്ധന്മാരെയും ഉൾപ്പെടെ തെരുവിൽ ഓടിച്ചിട്ട് തല്ലുന്നത് ലഹരി ആയി കാണുന്ന ഭ്രാന്തൻമാരെയും മകന്റെ കൊലപാതകിയെ കണ്ടുപിടിക്കണം എന്ന് ആവശ്യപ്പെട്ട അമ്മയെ വലിച്ചിഴച്ച ക്രൂരതയുടെ മറ്റൊരു മുഖമായ പൊലീസ് ഉദ്യോഗസ്ഥനെയും കേരളം കണ്ടിട്ടുണ്ട്.

കേരളത്തിലെ വിവിധ പൊലീസ് സ്റ്റേഷനുകളിൽ ലോക്കപ്പ് മർദ്ദനങ്ങളും കൊലപാതകങ്ങളും കൂടി വരുന്നു. പട്ടിക ജാതി പട്ടിക വർഗ്ഗ വിഭാഗങ്ങളോട് പൊലീസ് അതിക്രമം നിഷ്ടൂരമാകുന്നു. ഒരു പരിഷ്‌കൃത സമൂഹത്തിന് യോജിക്കാത്ത വിധം അത്രമേൽ അപരിഷ്‌കൃതമായി ആണ് പോലീസ് പെരുമാറുന്നത്. മറ്റെല്ലാ ലോക രാജ്യങ്ങളിലും പൊലീസ് ജനങ്ങളുടെ സഹായി സേവകൻ എന്ന നിലയിൽ പരിഷ്‌കൃതമായി പെരുമാറുമ്പോൾ എന്ത് കൊണ്ട് നമ്മുടെ പൊലീസ് ഇപ്പൊഴും ജനങ്ങൾ ഞങ്ങളുടെ അടിമകൾ ആണ് അവരെ ചീത്ത വിളിക്കേണ്ടതും തങ്ങളുടെ അവകാശമാണെന്ന രീതിയിലാണ് പെരുമാറുന്നത്
എവിടെയാണ് മാറേണ്ടത് ആരാണ് മാറ്റേണ്ടത്… അതിനുള്ള രാഷ്ട്രീയ ഇച്ഛാശക്തി എന്നാണുണ്ടാവുക. അതോ ജനങ്ങളെ അടിച്ച് ഒതുക്കി അവരുടെ കൊലപ്പെടുത്തുകയും ചെയ്യാനുള്ള പൊലീസിന്റെ മനോവീര്യത്തെ തകർക്കാതിരിക്കുക എന്ന ദൗത്യമാണോ സർക്കാരിന്റെ ലക്ഷ്യം’. പൊലീസിന്റെ ക്രൂരതകളെ ചോദ്യം ചെയ്തു സംവിധായകൻ പ്രതികരിച്ചത് ഇങ്ങനെയാണ്.