രൺബീറിനൊപ്പം ഇനി അഭിനയിക്കില്ല എന്ന് കത്രീനയുടെ വെളിപ്പടുത്തൽ. ഇരുവരും ഒരുമിച്ചഭിനയിക്കുന്ന ജഗ്ഗാ ജാസൂസ് എന്ന ചിത്രത്തിന്റെ പ്രചാരണവുമായി ബന്ധപ്പെട്ടു സംഘടിപ്പിച്ച പരിപാടിയിലാണ് കത്രീന തന്റെ തീരുമാനവുമായി ആരാധകരെ ഞെട്ടിച്ചത്. പരിപാടിയിൽ രൺബീറിനു ഒപ്പമുള്ള തന്റെ അവസാന ചിത്രമായിരിക്കും ഇതെന്ന് പറഞ്ഞ താരം ഇനി ബുദ്ധിമുട്ടാണ്, രണ്‍ബീര്‍ മറ്റുള്ളവരെ കബളിപ്പിക്കുന്ന വ്യക്തിയാണെന്ന് എല്ലാവര്‍ക്കും അറിയാം. ഇനി ഒരുമിച്ച് ഒരു സിനിമ ചെയ്യാന്‍ കഴിയില്ല. അതൊരിക്കലും സംഭവിക്കില്ല എന്നും പറഞ്ഞു.
കത്രീനയും രൺബീറും തമ്മിലുള്ള ഇണക്കവും പിണക്കവും എന്നും മാധ്യമങ്ങൾ ആഘോഷിക്കുകയായിരുന്നു. ബോളിവുഡിലെ മുന്‍നിര യുവതാരങ്ങളുടെ പട്ടികയിലുള്ള കത്രീന കൈഫും രണ്‍ബീര്‍ കപൂറും പിരിഞ്ഞതിന് ശേഷവും സൗഹൃദം നിലനിത്തുന്നതിനും ഒരുമിച്ചു അഭിനയിക്കുന്നതിനും തയ്യാറായിരുന്നു. ജൂലൈയിൽ പുറത്തിറങ്ങാനിരിക്കുന്ന അനുരാഗ് ബസു സംവിധാനം ചെയ്യുന്ന ജഗ്ഗാ ജാസൂസ് എന്ന ചിത്രത്തെ ഇരുവരുടെയു൦ ആരാധകർ ആഘോഷിക്കാനിരിക്കുന്നതിനിടയിലാണ് കത്രീനയുടെ പുതിയ തീരുമാനം .
2016 ലാണ് കത്രീന രൺബീറും പിരിയുന്നത്. അതിനു ശേഷം വിരളമായേ ഇരുവരും പൊതു വേദികളിൽ പ്രത്യക്ഷപ്പെട്ടിരുന്നുള്ളൂ . സല്‍മാന്‍ ഖാന്‍ നായകനാകുന്ന ടൈഗര്‍ സിന്ദാ ഹേ എന്ന ചിത്രത്തിലാണ് ജഗ്ഗാ ജാസൂസിന് ശേഷം കത്രീന അഭിനയിക്കുന്നത്.
Post Your Comments