സാധാരണക്കാരുടെ ജീവിത സാഹചര്യങ്ങള്‍ എപ്പോഴും ശ്രദ്ധിക്കാറുള്ള താരമാണ് വിജയ്. അവരുടെ ഉന്നമനത്തിനായി സാമ്പത്തികമായും വിജയ് സഹായങ്ങള്‍ ചെയ്യാറുണ്ട്. രാജ്യത്തെ കര്‍ഷകര്‍ക്ക് വേണ്ടി ശബ്ദമുയര്‍ത്തുകയാണ് സൂപ്പര്‍താരം. ചെന്നൈയില്‍ ഒരു സ്വകാര്യ ചടങ്ങില്‍ പങ്കെടുത്തു സംസാരിക്കുകയായിരുന്നു അദ്ദേഹം.
രാജ്യത്തിനു അന്നം നല്‍കിയിരുന്ന കര്‍ഷകര്‍ അരിയ്ക്കായി റേഷന്‍ കടയില്‍ കാത്തിരിക്കുകയാണെന്നും നമുക്ക് ഭക്ഷണം നല്‍കുന്ന അവര്‍ കഷ്ടപാടുകളുടെയും ദുരിതങ്ങളുടെയും നടുവിലാണെന്നും വിജയ് പ്രതികരിച്ചു.
സര്‍ക്കാര്‍ ഇത് ഗൗരവമായി കാണണം. മൂന്നു നേരം ഭക്ഷണം കിട്ടുന്നതു കൊണ്ടാണ് വിശപ്പിന്റെ വിലയോ ഭക്ഷണം കിട്ടാനുള്ള കഷ്ടപ്പാടോ നമുക്ക് അറിയാത്തത്. അതുകൊണ്ട് തന്നെയാണ് കര്‍ഷകരുടെ ദുരിതം എന്താണെന്ന് ആരും മനസിലാക്കാത്തത്. വിജയ് കൂട്ടിച്ചേര്‍ത്തു.
Post Your Comments