സച്ചിന്‍ എ ബില്ല്യന്‍ ഡ്രീംസ് എല്ലാ അര്‍ത്ഥത്തിലും റെക്കോര്‍ഡ് നേട്ടം കൊയ്യുകയാണ്. ചിത്രം ഒരാഴ്ചയോടു അടുക്കുമ്പോള്‍ മുപ്പത് കോടിയോളം രൂപയാണ് പ്രദര്‍ശനശാലകളില്‍ നിന്ന് സച്ചിന്‍ സ്വന്തമാക്കിയത് അതിലും അമ്പരപ്പിക്കുന്ന വാര്‍ത്തയാണ് ഇപ്പോള്‍ പുറത്തു വന്നിരിക്കുന്നത്. സച്ചിന്‍റെ ജീവിത കഥ പങ്കുവെയ്ക്കുന്ന ചിത്രത്തില്‍ ക്രിക്കറ്റ് ദൈവം എത്ര രൂപ പ്രതിഫലം വാങ്ങി കാണും എന്ന ചര്‍ച്ച നേരെത്തെ തന്നെ സോഷ്യല്‍ മീഡിയയില്‍ സജീവമായിരുന്നു. സിനിമയില്‍ കേന്ദ്രകഥാപാത്രമായി അഭിനയിച്ചതിനു സച്ചിന്‍ വാങ്ങിച്ച പ്രതിഫലം ഏവരെയും ഞെട്ടിക്കുന്നതാണെന്നാണ് പുറത്തു വരുന്ന വിവരം. സിനിമ ജീവിതമായപ്പോള്‍ സച്ചിന്‍റെ പ്രതിഫലമായി വാങ്ങിയത് നാല്‍പ്പത് കോടി രൂപയാണെന്നാണ് മാധ്യമങ്ങള്‍ റിപ്പോര്‍ട്ട് ചെയ്യുന്നത്.സച്ചിന്‍റെ പ്രതിഫല തുക കേട്ട ബോളിവുഡ് താരങ്ങളില്‍ പലരും വലിയ ഞെട്ടലിലാണെന്നും ഇന്ത്യയിലെ ചില പ്രമുഖ സിനിമാ വെബ്സൈറ്റുകള്‍ പങ്കുവെയ്ക്കുന്നു. പ്രതിഫല തുകയുടെ നല്ലൊരു വിഹിതം സച്ചിന്‍ കാരുണ്യ പ്രവര്‍ത്തനങ്ങള്‍ക്കായി വിനിയോഗിക്കുമെന്നും ചില മാധ്യമങ്ങള്‍ വ്യക്തമാക്കുന്നു. ബ്രിട്ടീഷ് ഫിലിം മേക്കറായ ജെയിംസ് എര്‍സ്കിനാണ് സച്ചിന്‍ എ ബില്ല്യന്‍ ഡ്രീംസിന്‍റെ സംവിധായകന്‍. ഇന്ത്യയില്‍ 2400 സ്‌ക്രീനുകളിലും രാജ്യത്തിന് പുറത്ത് 400 സ്‌ക്രീനുകളിലും ചിത്രം റിലീസ് ചെയ്തിരുന്നു. കഴിഞ്ഞ വെള്ളിയാഴ്ചയാണ് ചിത്രം പ്രദര്‍ശനത്തിനെത്തിയത്.
Post Your Comments