‘മീനുക്കുട്ടിയുടെ സ്വന്തം ലാലേട്ടന്‍’; ‘മോഹന്‍ലാല്‍’ ചിത്രീകരണം ആരംഭിച്ചു

‘ഇടി’ എന്ന ചിത്രത്തിന് ശേഷം സാജിദ് യഹിയ ഒരുക്കുന്ന മോഹന്‍ലാല്‍ എന്ന ചിത്രത്തിന്‍റെ ചിത്രീകരണം ആരംഭിച്ചു. മോഹന്‍ലാലിനെ അന്ധമായി ആരാധിക്കുന്ന പെണ്‍കുട്ടിയുടെ കഥ പറയുന്ന ചിത്രത്തിന്‍റെ ഫസ്റ്റ്ലുക്ക് പോസ്റ്റര്‍ നേരത്തെ പുറത്തിറക്കിയിരുന്നു. മഞ്ജു വാര്യരാണ് ചിത്രത്തിലെ കേന്ദ്ര കഥാപാത്രത്തെ അവതരിപ്പിക്കുന്നത്. മീനുക്കുട്ടി എന്ന കടുത്ത മോഹന്‍ലാല്‍ ഫാനായാണ് മഞ്ജു ചിത്രത്തില്‍ പ്രത്യക്ഷപ്പെടുന്നത്. ഇന്ദ്രജിത്തും മറ്റൊരു പ്രധാന കഥാപാത്രത്തെ അവതരിപ്പിക്കുന്നു. . മൈന്‍ഡ്‌സെറ്റ് മൂവീസിന്റെ ബാനറില്‍ അനില്‍കുമാറാണ് ചിത്രം നിര്‍മ്മിക്കുന്നത്. സുനീഷ് വാരനാടാണ് ചിത്രത്തിന്‍റെ രചന നിര്‍വഹിച്ചിരിക്കുന്നത്.