സാജിത് യാഹിയ സംവിധാനം ചെയ്യുന്ന പുതിയ ചിത്രമായ മോഹന്‍ലാലില്‍ അഭിനയിക്കാന്‍ അവസരം. ചിത്രത്തിലെ കേന്ദ്ര കഥാപാത്രങ്ങളെ അവതരിപ്പിക്കുന്ന ഇന്ദ്രജിത്തിന്‍റെയും മഞ്ജുവാര്യരുടെയും കുട്ടിക്കാലം അഭിനയിക്കാനാണ് അഭിനേതാക്കളെ അണിയറപ്രവര്‍ത്തകര്‍ തേടുന്നത്. കൌതുകമാര്‍ന്ന കാസ്റ്റിംഗ് കോളുമായാണ് അണിയറപ്രവര്‍ത്തകര്‍ എത്തിയിരിക്കുന്നത്.
മോഹന്‍ലാല്‍ ആരാധകരുടെ കഥ പറയുന്ന ചിത്രത്തിലേയ്ക്ക് ഉണ്ണികളെ ഒരു കഥ പറയാം, വാണ്ടഡ്, മുഖം, ചിത്രം, ദൃശ്യം, പക്ഷേ, നിര്‍ണയം, , ഒപ്പം, മിന്നാരം തുടങ്ങിയ സൂപ്പര്‍ഹിറ്റ് ലാല്‍ ചിത്രങ്ങളുടെ പേരുകള്‍ ചേര്‍ത്തുവച്ചാണ് കാസ്റ്റിങ് കോള്‍ നടത്തിയിരിക്കുന്നത്.
ഇരുവരുടെയും എട്ട്, പതിനാല്, പതിനെട്ട് വയസ് കാലത്തെ അവതരിപ്പിക്കാനാണ് അഭിനേതാക്കളെ തേടുന്നത്. ഇന്ദ്രജിത്തും മഞ്ജു വാര്യരുമായി മുഖസാമ്യമുള്ളവര്‍ക്കും അല്ലാത്തവര്‍ക്കും അവരുടെ ഫോട്ടോകളും അഭിനയദൃശ്യങ്ങളും അടങ്ങുന്ന വീഡിയോ അയക്കാം.
Post Your Comments