എണ്‍പത്തിയാറു പുതുമുഖങ്ങളുമായി എത്തിയ ലിജോ ജോസ് പെല്ലിശ്ശേരിയുടെ അങ്കമാലി ഡയറീസിലെ ലിച്ചി എന്ന കഥാപാത്രമായി ആരാധകരുടെ മനം കവര്‍ന്ന രേഷ്മ രാജന്‍ മോഹന്‍ലാലിന്‍റെ നായികയായി എത്തുന്നു. ലാല്‍ ജോസ് ആദ്യമായി മോഹന്‍ലാലിനെ നായകനാക്കി ഒരുക്കുന്ന ചിത്രത്തിലാണ് ഇരുവരും ഒന്നിക്കുന്നത്. തിരുവനന്തപുരം തുമ്പ സെന്റ് സേവ്യേഴ്സ് കോളേജിലാണ് ചിത്രീകരണം.
‘എല്ലാവരും കാത്തിരുന്ന സിനിമയാണ് ലാൽജോസ് – ലാലേട്ടൻ ടീമിന്റേത്. ഞാൻ വളരെ ത്രിൽഡ് ആണ് ലാലേട്ടനൊപ്പം അത്തരമൊരു സിനിമയിൽ തന്നെ നായികയാകാൻ കഴിയുന്നതിൽ. അങ്കമാലി ഡയറീസിന് ശേഷം നിറയെ ഓഫറുകൾ വന്നിരുന്നു. ഏറ്റവും എക്സൈറ്റഡ് ആയത് ഈ ഓഫർ വന്നപ്പോൾ തന്നെ. ’’ രേഷ്മ പറഞ്ഞു.
നീനയ്ക്ക് ശേഷം ലാൽജോസ് സംവിധാനം ചെയ്യുന്ന ചിത്രത്തിന്‍റെ തിരക്കഥ ഒരുക്കുന്നത് ബെന്നി പി നായരമ്പലം. പ്രൊഫസര്‍ മൈക്കിള്‍ ഇടിക്കുള കോളേജ് പ്രിന്‍സിപ്പിളിന്‍റെ വേഷത്തിലാണ് മോഹന്‍ലാല്‍ എത്തുക. ചിത്രത്തില്‍ മോഹന്‍ലാല്‍ ജോയിന്‍ ചെയ്തിട്ടില്ല. സലീംകുമാർ ,അനുപ് മേനോൻ, പ്രിയങ്ക എന്നിവരാണ് മറ്റുതാരങ്ങൾ.
Post Your Comments