ലേഡി സംവിധായിക എന്ന നിലയില്‍ മലയാള സിനിമയില്‍ ഏറെ ശ്രദ്ധിക്കപ്പെട്ട അഞ്ജലി മേനോന്‍റെ അടുത്ത ചിത്രം സൂപ്പര്‍ താരം പൃഥ്വിരാജിനൊപ്പമാണ്.
ബാംഗ്ലൂര്‍ ഡെയ്സ് എന്ന ഹിറ്റ് ചിത്രത്തിന് ശേഷം അഞ്ജലി ഒരുക്കുന്ന ചിത്രമാണിത്. സിനിമയുടെ ഔദ്യോഗിക പ്രഖ്യാപനം ഉടന്‍ ഉണ്ടാകുമെന്നാണ് അറിയാന്‍ കഴിയുന്നത്. അഞ്ജലി തന്നെയാണ് ചിത്രത്തിന്‍റെ രചന നിര്‍വഹിക്കുന്നത്. അഞ്ജലി മേനോന്‍റെ ആദ്യ ചിത്രമായ ‘മഞ്ചാടിക്കുരു’വില്‍ പൃഥ്വിരാജ് അതിഥി വേഷം അവതരിപ്പിച്ചിരുന്നു. അഞ്ജലി മേനോന്‍ തിരക്കഥ എഴുതിയ ഉസതാദ് ഹോട്ടലും തിരക്കഥ എഴുതി സംവിധാനം ചെയ്ത ബാംഗ്ലൂര്‍ ഡെയ്സും വലിയ ബോക്സ് ഓഫീസ് വിജയങ്ങളായിരുന്നു . ദുല്‍ഖര്‍ സല്‍മാനെ നായകനാക്കി പ്രതാപ് പോത്തന്‍ സംവിധാനം ചെയ്യാനിരുന്ന ചിത്രത്തിന്‍റെ തിരക്കഥയും അഞ്ജലിയുടെതായിരുന്നു. അഞ്ജലി മേനോനും പ്രതാപ് പോത്തനും തമ്മിലുള്ള അഭിപ്രായ വ്യത്യാസത്തെ തുടര്‍ന്ന് ചിത്രം ഉപേക്ഷിക്കുകയായിരുന്നു.
Post Your Comments