കണ്ണന്‍താമരക്കുളം-ജയറാം ടീമിന്‍റെ പുതിയ ചിത്രം ആച്ചയാന്‍സിലെ ഗാനങ്ങള്‍ സോഷ്യല്‍ മീഡിയയില്‍ തരംഗമാകുന്ന അവസരത്തില്‍ ഇതാ മറ്റൊരു ഗാനം യുവത്വത്തിന് ഹരം പകരാന്‍ എത്തുന്നു. ‘നൂലും പാമ്പാകും പായും കിളിപായും’ എന്ന കിടിലന്‍ കളര്‍ഫുള്‍ ഗാനം നാളെ പ്രേക്ഷകര്‍ക്ക് മുന്നിലെത്തും. അനില്‍ പനച്ചൂരാനാണ് ഈ വ്യത്യസ്ത ഗാനത്തിന് വരികളെഴുതിയിരിക്കുന്നത്. രതീഷ്‌ വേഗ ഈണം പകര്‍ന്ന ചിത്രത്തിലെ മറ്റു ഗാനങ്ങളെല്ലാം പ്രേക്ഷകര്‍ ഇരുകയ്യും നീട്ടി സ്വീകരിച്ചു കഴിഞ്ഞു. ‘അനുരാഗ പുതുമഴ പോലെ’ എന്ന പ്രണയഗാനം ശ്രോതാക്കളുടെ ഇഷ്ടഗാനമായി മാറിക്കഴിഞ്ഞു.
6 ലക്ഷത്തോടടുക്കുന്ന കാഴ്ചകാരുമായി ചിത്രത്തിന്‍റെ ട്രെയിലറും പ്രേക്ഷകര്‍ക്കിടെയില്‍ തരംഗമാവുകയാണ്.
സി.കെ പദ്മകുമാര്‍ നിര്‍മ്മിക്കുന്ന ചിത്രത്തില്‍ ജയറാം,ഉണ്ണി മുകുന്ദന്‍, പ്രകാശ്‌ രാജ്, അമല പോള്‍, സിദ്ധിക്ക് തുടങ്ങി വലിയ ഒരു താര നിര തന്നെ ചിത്രത്തിലുണ്ട്. പ്രദീപ്‌ നായരാണ് ചിത്രത്തിന്‍റെ ഛായാഗ്രഹണം. അനു സിത്താര, ശിവദ, ജനാര്‍ദ്ദനന്‍, പൊന്നമ്മ ബാബു, കവിയൂര്‍ പൊന്നമ്മ ,സാജു നവോദയ തുടങ്ങിയവരാണ് ചിത്രത്തിലെ മറ്റുതാരങ്ങള്‍. സേതുവാണ് ചിത്രത്തിന്‍റെ രചന നിര്‍വഹിക്കുന്നത് . കോമഡിയും സസ്പന്‍സും ചേര്‍ത്തൊരുക്കുന്ന ‘അച്ചായന്‍സ്’ മേയ്-12 ന് പ്രദര്‍ശനത്തിനെത്തും.
Post Your Comments