ഇന്ത്യൻ സിനിമയിലെ നിലവിലുള്ള പല റെക്കോർഡുകളും ഭേദിച്ച് ബാഹുബലി 2 മുന്നേറുമ്പോൾ ഒരു റെക്കോർഡ് മാത്രം ഭേദിക്കാൻ കഴിഞ്ഞില്ല. സൽമാൻ ഖാന്‍റെയും ആമിറിന്‍റെയും റെക്കോർഡുകളെല്ലാം തകർത്തെറിഞ്ഞപ്പോൾ കിങ് ഖാന്‍റെ റെക്കോർഡ് മാത്രമാണ് ബാഹുബലിക്ക് ഭേദിക്കാനാകാതെ പോയത്. തിയേറ്ററുകളിൽ നിറഞ്ഞ കൈയടിയോടെ ചിത്രത്തിന്‍റെ പ്രദർശനം തുടരുന്നുണ്ടെങ്കിലും ഹിന്ദിയിലെ ‘ഹാപ്പി ന്യൂയർ ‘ എന്ന ഷാരുഖ് ഖാൻ സിനിമയെ മാത്രം മറികടക്കാൻ കഴിഞ്ഞില്ല.
ആദ്യ ദിവസം തന്നെ ആമിറിന്‍റെ ദംഗലിനെയും സൽമാൻഖാന്‍റെ സുൽത്താനെയും മറികടന്ന ബാഹുബലിക്ക് ഷാരൂഖിന്‍റെ സിനിമയുടെ അടുത്ത് മാത്രമെ എത്താൻ കഴിഞ്ഞുള്ളൂ. ഫാര ഖാൻ സംവിധാനം നിർവഹിച്ച ഹാപ്പി ന്യൂയർ 45 കോടിയായിരുന്നു ആദ്യ ദിനത്തിൽ കൊയ്തത്. 2014 ൽ റിലീസ് ചെയ്ത ഈ സിനിമയുടെ റെക്കോർഡ് തകർക്കാൻ ഇതുവരെ ഒരു സിനിമയ്ക്കും സാധിച്ചിട്ടില്ല. ആദ്യ ദിനത്തിൽ ഹിന്ദിയിൽ ബാഹുബലി നേടിയത് 41 കോടിയാണ്. ഏതാണ്ട് അടുത്തെത്തിയെങ്കിലും മറികടക്കാൻ സാധിച്ചില്ല.
Post Your Comments