അമല്‍ നീരദ് സംവിധാനം ചെയ്യുന്ന ദുല്‍ഖര്‍ ചിത്രത്തില്‍ മമ്മൂട്ടിയും മോഹന്‍ലാലും അതിഥി താരങ്ങളായി എത്തുന്നുവെന്ന് റിപ്പോര്‍ട്ട്. ദുല്‍ഖര്‍-അമല്‍ നീരദ് ടീമിന്‍റെ ‘സിഐഎ’ എന്ന ചിത്രത്തിലാണ് ഇരുവരും ഗസ്റ്റ് റോളില്‍ അഭിനയിക്കുന്നതായി വാര്‍ത്ത വന്നത്. ചിത്രത്തിന്‍റെ വിക്കി പീഡിയ ഇത് വ്യക്തമാക്കുന്നുണ്ട്, എന്നാല്‍ ആര്‍ക്കും തിരുത്തി എഴുതാവുന്ന വിക്കി പീഡിയ എത്രത്തോളം വിശ്വസനീയമാണെന്ന കാര്യത്തില്‍ യാതൊരു ഉറപ്പും ഇല്ല. ചിത്രത്തിന്‍റെ അണിയറപ്രവര്‍ത്തകര്‍ ഇതുമായി ബന്ധപ്പെട്ട് പ്രതികരിച്ചിട്ടില്ല. അന്‍വര്‍ റഷീദ് നിര്‍മ്മിക്കുന്ന ചിത്രത്തിലെ നായിക കാര്‍ത്തിക മോഹനാണ്. മേയ് 5നാണ് ചിത്രം പ്രദര്‍ശനത്തിനെത്തുന്നത്.
Post Your Comments