‘ബാഹുബലി’ കേരളത്തിലെത്തുന്നതിന് മുന്‍പേ അവര്‍ എത്തും!

ലോകമെമ്പാടുമുള്ള ആരാധകര്‍ പ്രതീക്ഷയോടെ കാത്തിരിക്കുന്ന ബാഹുബലിയുടെ രണ്ടാം ഭാഗം ഏപ്രില്‍ 28-നാണ് കേരളത്തിലെ തിയേറ്ററുകളിലെത്തുന്നത്. അതിനു മുന്‍പേ ബാഹുബലിയിലെ താരങ്ങള്‍ കേരളത്തിലെത്തും. ചിത്രത്തിന്‍റെ പ്രമോഷന്റെ ഭാഗമായിട്ടാണ് താരങ്ങള്‍ കേരളത്തിലെത്തുന്നത്. കൊച്ചിയിലാണ് പരിപാടി സംഘടിപ്പിച്ചിരിക്കുന്നത്. ഏപ്രില്‍ 23-നാണ് സംവിധായകരടക്കമുള്ള പ്രമുഖര്‍ എത്തുന്നത്. കേരളത്തില്‍ ചിത്രം വിതരണത്തിനെത്തിക്കുന്നത് ഗ്ലോബൽ യുണൈറ്റഡ്‌ മീഡിയയാണ്.