ബോളിവുഡ് നടന്‍ ഓംപുരിയുടെ മരണം വീണ്ടും വാര്‍ത്തകളില്‍ സജീവമാകുകയാണ്. താരത്തിന്റെ പ്രേതം കറങ്ങി നടക്കുന്നതായുള്ള റിപ്പോര്‍ട്ടുകളാണ് ഇപ്പോള്‍ പുറത്തു വന്നുകൊണ്ടിരിക്കുന്നത്. ‘ബോല്‍ ന്യൂസ്’ എന്ന പാക് വാര്‍ത്താ ചാനലാണ് ഇതുസംബന്ധിച്ച റിപ്പോര്‍ട്ടുകള്‍ ആദ്യം പുറത്തുവിട്ടത്. തെളിവു സഹിതം പുറത്തു വന്ന ഈ വാര്‍ത്തയെ ഇന്ത്യന്‍ ചാനലുകളും പിന്നീട് ഏറ്റെടുക്കുകയായിരുന്നു.
ഇക്കഴിഞ്ഞ ജനുവരി ആറിനായിരുന്നു ഇന്ത്യന്‍ സിനിമാ ലോകത്തെ ഒന്നാകെ ഞെട്ടിച്ചുകൊണ്ട് ഓംപുരിയുടെ മരണവാര്‍ത്ത എത്തിയത്. ഹൃദയാഘാതമായിരുന്നു മരണകാരണം. എന്നാല്‍, ഇത് വിശ്വസനീയമല്ലെന്നും മരണത്തില്‍ അസ്വഭാവികതയുണ്ടെന്നും കൊലപാതകമെന്ന് സംശയിക്കുന്നുവെന്നും റിപ്പോര്‍ട്ടുകള്‍ പ്രചരിച്ചിരുന്നു. ധാരാളം ആരാധാകരുള്ള അദ്ദേഹത്തിന്‍റെ മരണത്തിലെ ദുരൂഹത സംബന്ധിച്ച വാര്‍ത്ത പാക് മാധ്യമങ്ങള്‍ വന്‍ പ്രാധാന്യത്തോടെയാണ് കൈാര്യം ചെയ്തത്.
ഇതിനിടെയാണ് ഓംപുരിയുടെ ആത്മാവ് പ്രതികാരത്തിനായി ചുറ്റിലുമുണ്ടെന്ന റിപ്പോര്‍ട്ട് വീഡിയോ തെളിവുകളോടെ പുറത്തു വന്നിരിക്കുന്നത്. ഓംപുരിയുടെ മുംബൈയിലെ വീടിന് മുന്നിലാണ് പ്രേതരൂപത്തെ കണ്ടതെന്നാണ് റിപ്പോര്‍ട്ട്.
ഓംപുരിയുടെ വീടിന് മുന്നിലെ സിസിടിവി ദൃശ്യങ്ങളാണിവ. വെള്ള കുര്‍ത്ത ധരിച്ച ഒരു രൂപത്തെ ദൃശ്യങ്ങളില്‍ വ്യക്തമായി കാണാം.
Post Your Comments