വിഖ്യാത ഹോളിവുഡ് നടന്‍ ക്ലിഫ്ടണ്‍ ജെയിംസ് അന്തരിച്ചു. തൊണ്ണൂറ്റിയാറു വയസ്സ് ആയിരുന്നു. ജെയിംസ് ബോണ്ട് സിനിമകളിലൂടെയാണ് ക്ലിഫ്ടണ്‍ ജെയിംസ് ശ്രദ്ധേയനായത്. ഷെരീഫ് ജെ.ഡബ്ല്യു പെപ്പര്‍ എന്ന കഥാപാത്രമായി ബോണ്ട് സിനിമകളില്‍ നിറഞ്ഞു നിന്ന ക്ലിഫ്ടണ്‍ പ്രമേഹം ബാധിച്ച് ദീര്‍ഘനാളായി ചികിത്സയിലായിരുന്നു. ഒറിഗണിലെ ഗ്ലാഡ്സ്റ്റണില്‍ വച്ചാണ് അദ്ദേഹം മരിക്കുന്നത്. രണ്ടു ബോണ്ട് ചിത്രങ്ങളില്‍ അടക്കം നിരവധി ഹോളിവുഡ് സിനിമകളില്‍ അഭിനയിച്ച ക്ലിഫ്ടണ്‍ അമേരിക്കന്‍ ടെലിവിഷന്‍ പരമ്പരകളിലും തിയേറ്ററിലും സജീവമായിരുന്നു.
ആറ് പതിറ്റാണ്ടിലേറെ അഭിനയരംഗത്ത് നിറഞ്ഞ് നിന്ന നടനായിരുന്നു. 1973ല്‍ പുറത്തിറങ്ങിയ ലിവ് ആന്‍ഡ് ലെറ്റ് ഡൈ എന്ന ബോണ്ട് ചിത്രത്തിലൂടെ ശ്രദ്ധേയനായ അദ്ദേഹം ലിവ് അന്‍ഡ് ലെറ്റ് ഡൈ , മാന്‍ വിത്ത് ദി ഗോള്‍ഡന്‍ ഗണ്‍ എന്നീ ബോണ്ട് ചിത്രങ്ങളില്‍ റോജര്‍ മൂറിനൊപ്പം അഭിനയിച്ചു. സില്‍വര്‍ സ്ട്രീക്, സൂപ്പര്‍മാന്‍ ടു, എയ്റ്റ് മെന്‍ ഔട്ട്, ദി റെയ് വേഴ്സ് , ദി അണ്‍ടച്ചബിള്‍സ്, ദി ലാസ്റ്റ് ഡീറ്റെയില്‍, കൂള്‍ ഹാന്‍ഡ് ലൂക്ക്, ദി ബൊണ്‍ഫയര്‍ ഓഫ് ദി വാനിറ്റീസ് എന്നിവയാണ് മറ്റ് ശ്രദ്ധേയ ചിത്രങ്ങള്‍.
Post Your Comments