തെക്കന്‍ കേരളത്തില്‍ തിരുവനന്തപുരവും, കോട്ടയവും, പത്തനംതിട്ടയും, ആലപ്പുഴയുമൊക്കെയാണ് പ്രധാന സിനിമാ ലൊക്കേഷനുകള്‍. എന്നാല്‍ കൊല്ലം ജില്ല സിനിമാ ലൊക്കേഷനാകുന്നത് വിരളമാണ്. കൊല്ലത്തിന്‍റെ നഗരകാഴ്ചകളെ മനോഹരമായി ഒപ്പിയെടുത്ത നാടക പശ്ചാത്തല ചിത്രമായിരുന്നു കമലിന്‍റെ ‘നടന്‍’. ജയറാം നായകനായ ചിത്രത്തിന്‍റെ ലൊക്കേഷന്‍ പൂര്‍ണ്ണമായും കൊല്ലമായിരുന്നു. ഇതാ മറ്റൊരു സൂപ്പര്‍ താരത്തിന്‍റെ ഓണവിരുന്നായി ഒരുങ്ങുന്ന ചിത്രവും കൊല്ലത്തിന്‍റെ മണ്ണില്‍ പറയാന്‍ ഒരുങ്ങുന്നു. രാജാധി രാജയ്ക്ക് ശേഷം അജയ് വാസുദേവ് സംവിധാനം ചെയ്യുന്ന പുതിയ മമ്മൂട്ടി ചിത്രം ഏപ്രില്‍ 17-ന് കൊല്ലം ഫാത്തിമ കോളേജില്‍വെച്ച് ചിത്രീകരണം ആരംഭിക്കും. മമ്മൂട്ടി ഒരു കോളേജ് അധ്യാപകനായിട്ടാണ് ചിത്രത്തില്‍ അഭിനയിക്കുന്നത്.ഉദയകൃഷ്ണയാണ് ചിത്രത്തിന്‍റെ തിരക്കഥ ഒരുക്കുന്നത്.
Post Your Comments