മലയാള നോവലില്‍ വായനയുടെ പുതിയ അനുഭൂതി സൃഷ്ടിച്ച കൃതിയാണ് ബന്യാമിന്‍റെ ആടുജീവിതം. ബ്ലസ്സി ഈ നോവലിന്റെ ദൃശ്യാവിഷ്കാരം ഒരുക്കുന്നതായി വാര്‍ത്തകള്‍ വന്നിരുന്നു. എന്നാല്‍ നജീബ് എന്ന കഥാപാത്രത്തെ ഉള്‍ക്കൊണ്ട് അഭിനയിക്കാന്‍ മാസങ്ങളോളം ആവശ്യമായ ശാരീരിക തയ്യാറെടുപ്പുകള്‍ ആവശ്യമായതിനാല്‍ ചിത്രത്തില്‍ നിന്നും നായകന്‍ പൃഥിരാജ് പിന്മാറിയെന്നു റിപ്പോര്‍ട്ടുകള്‍ ഉണ്ടായിരുന്നു. എന്നാല്‍ അത് നിഷേധിച്ചുകൊണ്ട് സംവിധായകന്‍ ബ്ലസ്സി രംഗത്തെത്തി.
ആടുജീവിതത്തിന്റെ പ്രീപ്രൊഡക്ഷന്‍ നടക്കുകയാണെന്നും നവംബറില്‍ ചിത്രം ഷൂട്ടിംഗ് ആരംഭിക്കുമെന്നും അദ്ദേഹം പറയുന്നു. ചിത്രം ത്രീഡിയില്‍ ആണ് ഒരുക്കുന്നത്.
ആടുജീവിതത്തില്‍ ആദ്യം നായകനായി പൃഥിക്കൊപ്പം വിക്രമിനെയും പരിഗണിച്ചിരുന്നു. എന്നാല്‍ അവസാനം പൃഥിയെ നായകനാക്കി ചിത്രം പ്രഖ്യാപിക്കുകയായിരുന്നു. കെജിഎ ഫിലിംസ് ആണ് ചിത്രം നിര്‍മ്മിക്കുന്നത്.
Post Your Comments