നിരൂപകര്‍ക്കെതിരെ പരസ്യ പ്രതിഷേധവുമായി സൂപ്പര്‍ താരങ്ങള്‍. ഒരു ചിത്രം പ്രദര്‍ശനത്തിനെത്തി മൂന്നു ദിവസം വരെ കാത്ത ശേഷം ചിത്രം വിജയമോ പരാജയമോ എന്നെഴുതുവെന്നും നടന്‍മാരായ രജനികാന്ത്, വിശാല്‍, രാഘവ ലോറന്‍സ് എന്നിവര്‍ അഭിപ്രായപ്പെട്ടു. സിനിമ പുറത്തിറങ്ങിക്കഴിഞ്ഞാല്‍ അതിന് മൂന്ന് ദിവസമെങ്കിലും സമയം നല്‍കണമെന്ന വിശാലിന്റെ അഭിപ്രായത്തെ പിന്തുണച്ച രജനി കാന്ത് സിനിമയെടുക്കുക എന്നത് ഞങ്ങളുടെ ഉത്തരവാദിത്തമാണ്. ഒരു സിനിമയെ കുറിച്ച്‌ മറ്റൊരാളോട് പറയുമ്പോള്‍ അല്‍പം മാന്യത കാണിക്കുന്നതില്‍ എന്താണ് തെറ്റെന്നും ചോദിച്ചു. വിമര്‍ശനമാവാം. എന്നാല്‍, സിനിമയെ തകര്‍ക്കുന്ന രീതിയില്‍ സംസാരിക്കുന്നത് നിര്‍ത്തിക്കൂടെയെന്നും അദ്ദേഹം ചോദിക്കുന്നു.
വെങ്കട്ട പ്രഭു നായകനായ നെരിപ്പ് ഡാ എന്ന ചിത്രത്തിന്റെ ഓഡിയോ ലോഞ്ചില്‍ പങ്കെടുത്തപ്പോഴാണ് നിരുപകര്‍ക്കെതിരെ പരസ്യ പ്രതികരണവുമായി താരങ്ങള്‍ രംഗത്തെത്തിയത്.
സിനിമ പുറത്തിറങ്ങിക്കഴിഞ്ഞാല്‍ അതിന് മൂന്ന് ദിവസമെങ്കിലും സമയം നല്‍കണമെന്ന് വിശാല്‍ അഭിപ്രായപ്പെട്ടു.
എനിക്ക് പറയാനുള്ളത് ഒണ്‍ലൈന്‍ നിരൂപകരുടെ അഭിപ്രായ സ്വാതന്ത്ര്യത്തെ ബഹുമാനിക്കുന്നുവെന്ന് പറഞ്ഞ വിശാല്‍ ഒരു 12 ഷോയെങ്കിലും സിനിമ കളിക്കാന്‍ അനുവദിക്കണം. അതിലും മുന്‍പ് തന്നെ മോശം അഭിപ്രായം എഴുതി സിനിമയെ തകര്‍ക്കരുതെന്നും കൂട്ടിച്ചേര്‍ത്തു.
Post Your Comments