മുന്‍ ഇന്ത്യന്‍ നായകന്‍ വി.പി.സത്യന്റെ ജീവിതകഥ അണിയറയില്‍ ഒരുങ്ങുകയാണ്. ഫുട്ബോള് കേന്ദ്രമായ ഈ ചിത്രത്തില്‍ സത്യന്റെ സഹതാരങ്ങളും എത്തുന്നു. അതില്‍ പ്രധാനിയാണ്‌ യു ഷറഫലി. ഇന്ത്യന്‍ ടീമിന്റെയും കേരളത്തിന്റെയും കേരള പോലീസിന്റെയും പ്രതിരോധനിരയില്‍ ഉരുക്ക് കോട്ടപോലെ പ്രവര്‍ത്തിച്ച രണ്ടു താരങ്ങളാണ് വി പി സത്യനും യു ഷറഫലിയും.
ജയസൂര്യ നായകനാകുന്ന ഈ ചിത്രത്തില്‍ ഫുട്ബോള് താരം യു. ഷറഫലിയായി വേഷമിടുന്നത് യുവനടന്‍ ദീപക് പറമ്പോളാണ്. കേരള പോലീസില്‍ ഉദ്യോഗസ്ഥനാണ് ഷറഫലി ഇപ്പോള്‍.
ജീവിച്ചിരിക്കുന്ന ഒരാളുടെ വേഷം ചെയ്യുന്നതിന്‍റെ ത്രില്ലിലാണ് ദീപക്. ഷറഫലി എന്ന കഥാപാത്രത്തെ അവതരിപ്പിക്കുന്നത് താനാണെങ്കിലും ഇതുവരെയായി അദ്ദേഹത്തെ നേരിട്ട് കാണാനോ സംസാരിക്കാനോ സാധിച്ചിട്ടില്ലയെന്നു ദീപക് പറയുന്നു. അതിന് മുന്‍പായി അദ്ദേഹവുമായി സംസാരിക്കാന്‍ സാധിക്കുമെന്നാണ് കരുതുന്നത്. ഫുട്ബോള് പശ്ചാത്തലമാക്കിയൊരു സിനിമയായത് കൊണ്ട് തന്നെ പരിശീലനം വേണമായിരുന്നുവെന്നും ആവശ്യമായ തയ്യാറെടുപ്പുകള്‍ നടത്തിയെന്നും ദീപക് സൂചിപ്പിക്കുന്നു.
Post Your Comments