മലയാളത്തിലെ മിക്ക സൂപ്പര്‍ഹിറ്റ് സംവിധായകരും മോഹന്‍ലാലിനൊപ്പം വര്‍ക്ക്‌ ചെയ്തു കഴിഞ്ഞു, പക്ഷേ മലയാളത്തിലെ ഹിറ്റ് മേക്കര്‍ ലാല്‍ജോസ് മോഹന്‍ലാലുമായി ഒരു ചിത്രത്തിന് വേണ്ടി ഒന്നിച്ചിട്ടില്ല ആരാധകരുടെ കാത്തിരിപ്പിന് അന്ത്യം കുറിച്ചുകൊണ്ട് ഇവരുടെ കൂട്ടുകെട്ടില്‍ ഒരു ചിത്രം വരുന്നതായി റിപ്പോര്‍ട്ട്. ആശിര്‍വാദ് നിര്‍മ്മിക്കുന്ന ചിത്രത്തില്‍ മോഹന്‍ലാല്‍ കോളേജ് അദ്ധ്യാപകനായി അഭിനയിക്കുന്നുവെന്നാണ് പുതിയ വാര്‍ത്ത. ബെന്നി. പി നായരമ്പലം തിരക്കഥ എഴുതുന്ന ചിത്രത്തിന്‍റെ ഒദ്യോദിക പ്രഖ്യാപനം ഉടന്‍ ഉണ്ടാകും. നേരത്തെ ഇക്ബാല്‍ കുറ്റിപ്പുറത്തിന്റെ തിരക്കഥയില്‍ മോഹന്‍ലാലിനെയും പൃഥ്വിരാജിനെയും കേന്ദ്രകഥാപാത്രങ്ങളാക്കി ‘കസിന്‍സ്’ എന്ന് പറയുന്ന ഒരു ചിത്രം ലാല്‍ജോസ് പ്ലാന്‍ ചെയ്തിരുന്നു. എന്നാല്‍ മറ്റുചില തടസ്സങ്ങള്‍ മൂലം ചിത്രം നടക്കാതെപോയി. മോഹന്‍ലാല്‍-ലാല്‍ജോസ് കൂട്ടുകെട്ട് മലയാളത്തില്‍ അരങ്ങേറുന്നത് പ്രതീക്ഷയോടെയാണ് പ്രേക്ഷകര്‍ നോക്കികാണുന്നത്,
Post Your Comments