ഏറ്റവും മികച്ച ചിത്രം ചര്‍ച്ചയാകുന്നു, കാസവ് എന്നാല്‍ എന്താണ്?

കാസവ് എന്നാല്‍ ‘ആമ’ എന്നാണ് അര്‍ത്ഥം. കടലാമകളുടെ വംശനാശം തടയാനായി കടല്‍തീരത്ത് നിലയുറപ്പിക്കുന്ന യുവതി ആത്മഹത്യ ചെയ്യുന്ന മാനവേന്ദ്രനെ കാണാനിടവരുകയും ആത്മഹത്യയില്‍ നിന്ന് പിന്തിരിപ്പിച്ച് വീട്ടിലേക്ക് കൂട്ടിക്കൊണ്ട് പോകുകയും ചെയ്യുന്നതിലൂടെയാണ് ചിത്രത്തിന്‍റെ സഞ്ചാരം. കഴിഞ്ഞ വര്‍ഷത്തെ എല്ലാ ചലച്ചിത്ര മേളകളിലെയും പ്രേക്ഷകരുടെ ഇഷ്ട ചിത്രമായിരുന്നു കാസവ്. തിരുവനന്തപുരത്തെ അന്താരാഷ്ട്ര ചലച്ചിത്രമേളയില്‍ കാസവ് ഏറെ ശ്രദ്ധിക്കപ്പെട്ടിരുന്നു.