അക്ഷയ് കുമാറിന് ദേശീയ പുരസ്കാരം ലഭിച്ചതോടെ വലിയ രീതിയിലുള്ള വിമര്‍ശനങ്ങളാണ് ഉയര്‍ന്നത്. ദംഗലിലെ ആമിര്‍ ഖാനെ പരിഗണിക്കാതിരുന്നതിലുള്ള പ്രതിഷേധം സോഷ്യല്‍ മീഡിയയിലും ശക്തമായി. ദേശീയ അവാര്ഡ് നേട്ടത്തില്‍ നിന്ന് ആമിര്‍ ഖാനെ പരിഗണിക്കാതിരുന്നതിന്റെ കാരണം വ്യക്തമാക്കി ജൂറിയും രംഗത്തെത്തി.
നാണക്കേട്‌ ഒഴിവാക്കുന്നതിനു വേണ്ടിയാണ് ആമിറിനെ പരിഗണിക്കാതിരുന്നതെന്നായിരുന്നു ജൂറിയുടെ വാദം. പുരസ്കാരത്തിലൊന്നും, തനിക്കു വിശ്വാസമില്ലെന്നും സ്വീകരിക്കില്ലെന്നും ആമിര്‍ ഒരു അഭിമുഖത്തില്‍ പറഞ്ഞതായി ജൂറി ചൂണ്ടിക്കാട്ടി. ജനകീയമായ ഒരു അവാര്ഡ് നിര്‍ണയത്തില്‍ അദ്ദേഹത്തെ പരിഗണിച്ചപ്പോള്‍ അത് സ്വീകരിക്കാന്‍ അദ്ദേഹം എത്തിയില്ലായെന്നും ജൂറി കുറ്റപ്പെടുത്തി. ശ്രദ്ധേയവും ജനകീയവുമായ പുരസ്കാരം സ്വീകരിക്കാതിരിക്കുകയും അവാര്‍ഡിലൊന്നും വലിയ കാര്യമില്ലെന്ന് പറയുകയും ചെയ്ത ആമിര്‍ ഖാനെ മനപൂര്‍വ്വമാണ് പരിഗണിക്കാതിരുന്നതെന്ന് ജൂറി അംഗങ്ങള്‍ കൂട്ടിച്ചേര്‍ത്തു.
Post Your Comments