ഒരു കാലത്ത് ബോളിവുഡില്‍ പെണ്‍കുട്ടികളുടെ മനസ്സ് കീഴടക്കിയ അതി സുന്ദരന്‍. ഇന്ന് ആ നായകന്‍റെ ട്വിറ്ററില്‍ വന്ന ചിത്രം കണ്ട് ഞെട്ടിയിരിക്കുകയാണ് ആരാധകര്‍. മുന്‍ ബോളിവുഡ് നായകന്‍ വിനോദ് ഖന്നയുടെ ഏറ്റവും പുതിയ ചിത്രം സമൂഹ മാധ്യമങ്ങളില്‍ പ്രചരിക്കുന്നു. ആശുപത്രി യൂണിഫോമില്‍ ഭാര്യയ്ക്കും മകനുമൊപ്പം നില്‍ക്കുന്ന ഖന്നയുടെ ചിത്രമാണിന്ന് സോഷ്യല്‍ മീഡിയയില്‍ പ്രചരിച്ചത്. രോഗത്താല്‍ അവശനായ നിലയിലായിരുന്നു വിനോദ് ഖന്ന ചിത്രത്തില്‍.
നിര്‍ജ്ജലീകരണത്തെ തുടര്‍ന്നു വിനോദ് ഖന്നയെ വെള്ളിയാഴ്ചയാണ് ആശുപത്രിയില്‍ പ്രവേശിപ്പിച്ചത്. ബ്ലഡ് ക്യാന്‍സര്‍ ബാധിതനായ അദ്ദേഹത്തിന്‍റെ രോഗ വിവരങ്ങള്‍ മാധ്യമങ്ങളെ അറിയിച്ചത് മകന്‍ രാഹുല്‍ ഖന്നയാണ്.
സോഷ്യല്‍മീഡിയയില്‍ പ്രചരിക്കുന്ന വിനോദ് ഖന്നയുടെ ചിത്രം തന്നെ ഞെട്ടിച്ചുവെന്ന് നടന്‍ ഇര്‍ഫാന്‍ ഖാന്‍. എന്റെ പ്രാര്‍ത്ഥനകള്‍ അദ്ദേഹത്തോടൊപ്പമുണ്ട്. പെട്ടെന്ന് സുഖം പ്രാപിക്കട്ടേയെന്ന് ആശംസിക്കുന്നു.
ആവശ്യമെങ്കില്‍ ഒരു കിഡ്‌നി ദാനം ചെയ്യാന്‍ താന്‍ തയ്യാറാണെന്നും ബോളീവുഡിലെ ഏറ്റവും സുന്ദരനായ നടനായിരുന്നു അദ്ദേഹമെന്നും ഇര്‍ഫാന്‍ ഖാന്‍ മാധ്യമപ്രവര്‍ത്തകരോട് പറഞ്ഞു.
Post Your Comments