ആരുമറിയാതെ താരങ്ങള്‍ വിവാഹിതരായെന്ന് റിപ്പോര്‍ട്ട്!

തെന്നിന്ത്യന്‍ സുന്ദരി സമാന്തയും തെലുങ്ക്‌ സൂപ്പര്‍ താരം നാഗചൈതന്യയും രഹസ്യമായി വിവാഹിതരായെന്നു റിപ്പോര്‍ട്ട്. ഇരുവരുടെയും വിവാഹ നിശ്ചയം ഇരു കുടുംബങ്ങളും ചേര്‍ന്ന് വലിയ ആഘോഷമാക്കിയിരുന്നു. ഈ വര്‍ഷത്തോടെ ഇരുവരും വിവാഹിതരാകും എന്നായിരുന്നു വീട്ടുകാര്‍ അറിയിച്ചിരുന്നത്. എന്നാല്‍ താരങ്ങളുടെ രഹസ്യ വിവാഹം ന്യൂയോര്‍ക്കില്‍ വെച്ച് നടന്നതായി ഡെക്കാണ്‍ ക്രോണിക്കിള്‍ റിപ്പോര്‍ട്ട് ചെയ്യുന്നു. ന്യൂയോര്‍ക്കിലെ ബ്രൂക്കലിന്‍ ബ്രിഡ്‌ജില്‍ വെച്ചാണ് ഇവര്‍ രഹസ്യമായി വിവാഹം ചെയ്തതെന്നാണ് ഡെക്കാണ്‍ ക്രോണിക്കിള്‍ പറയുന്നത്. ഇരുവരും തമ്മിലുള്ള പ്രണയത്തിന് സാക്ഷ്യം വഹിച്ച സ്ഥലാണ് ഇവിടം.