അന്തരിച്ച സംവിധായകന്‍ ദീപനും ജയറാമും ഒന്നിച്ച ‘സത്യ’ എന്ന ചിത്രത്തിലെ ഗാനം കഴിഞ്ഞ ദിവസം യുട്യൂബില്‍ റിലീസ് ചെയ്തിരുന്നു.ചിത്രത്തിലെ ഗാനം കോപ്പിയാണെന്ന ആരോപണവുമായി നിരവധി പേര്‍ രംഗത്ത് വന്നിരുന്നു. ഗോപി സുന്ദറിന്റെ കോപ്പിയടി ഈണത്തെ പരിഹസിച്ച് ട്രോളര്‍മാരും രംഗത്തെത്തിയിരുന്നു, ഇതിനു പിന്നാലെയാണ് ട്രോളര്‍മാര്‍ നടി പാര്‍വതി നമ്പ്യാര്‍ക്ക് നേരെ തിരിഞ്ഞത്. ഗാനരംഗത്തിലെ നടിയുടെ നൃത്ത ചുവടുകളെ പരിഹസിച്ചാണ് ട്രോളര്‍മാര്‍ രംഗത്തെത്തിയിരിക്കുന്നത്. കാക്കക്കുയില്‍ എന്ന സിനിമയിലെ ജഗതിയുടെ കോമഡി രംഗത്തോടാണ് ട്രോളര്‍മാര്‍ പാര്‍വതി നമ്പ്യാരുടെ നൃത്തത്തെ ഉപമിച്ചിരുക്കുന്നത്. ഹോസ്പിറ്റലില്‍ വെച്ചു ജഗതി പ്രാന്ത് പിടിച്ചു തുള്ളുന്നതും ഗാനരംഗത്തിലെ നടിയുടെ നൃത്തവും ചേര്‍ത്താണ് ട്രോള്‍ മലയാളം പേജ് വീഡിയോ പോസ്റ്റ്‌ ചെയ്തിരിക്കുന്നത്.
Post Your Comments