നമ്മുടെ സിനിമ രംഗത്തെ ഒട്ടുമിക്ക താരങ്ങളും മുന്‍പും ഇപ്പോഴും സിനിമയിലും വേദികളിലും പാട്ടുപാടുന്നത് വളരെ സാധാരണമാണ് . തെന്നിന്ത്യന്‍ താരങ്ങളും ബോളിവുഡ് താരങ്ങളുമെല്ലാം തന്നെ ഇക്കാര്യത്തില്‍ ഒരുപോലെ തിളങ്ങിയിട്ടുള്ളവരാണ് . തെലുങ്കിലും മലയാളത്തിലും ഒരുപോലെ ശ്രദ്ധേയനായ മലയാളി താരം ഉണ്ണി മുകുന്ദനും ആദ്യമായി പുതിയ ചിത്രമായ അച്ചായന്‍സിലൂടെ പിന്നണി ഗാനരംഗത്ത് പ്രവേശിക്കുകയാണ്.
ആടുപുലിയാട്ടത്തിനു ശേഷം സംവിധായകൻ കണ്ണൻ താമരക്കുളവും ജയറാമും ഒന്നിക്കുന്ന പുതിയ ചിത്രമാണ് അച്ചായൻസ് . ജയറാമിനെ കൂടാതെ ഉണ്ണി മുകുന്ദന്‍ , പ്രകാശ് രാജ്, ആദിൽ ഇബ്രാഹിം, സഞ്ജു ശിവറാം, അമല പോള്‍ ….എന്നിവരെ പ്രധാന കഥാപാത്രങ്ങളാക്കി ഒരുക്കുന്ന ചിത്രമാണ് അച്ചായൻസ്.
ഉണ്ണി മുകുന്ദൻ ചിത്രത്തില്‍ ആലപിച്ച ഗാനത്തിന്റെ വിഷ്വല്‍ ഇന്ന് വൈകിട്ട് 5 മണിക്ക് ഈസ്റ്റ്‌ കോസ്റ്റിന്റെ യുട്യൂബ് ചാനലിലൂടെ റിലീസ് ചെയ്യപ്പെടുകയാണ് . അച്ചായന്സിലെ ഗാനങ്ങള്‍ ഈസ്റ്റ്‌ കോസ്റ്റ് ഓഡിയോസാണ് പുറത്തിറക്കുന്നത്. അഭിനയ രംഗത്തിലൂടെ ആരാധികമാരെ ഏറെ സൃഷ്ടിച്ച ഉണ്ണിമുകുന്ദന്‍ തനിക്ക് അഭിനയം മാത്രമല്ല ഗായകന്‍ എന്ന പദവിയും ഇണങ്ങുമെന്ന് ഈ ഗാനത്തിലൂടെ തെളിയിക്കുന്നു.
ആടുപുലിയാട്ടത്തിന്റെ സംഗീത സംവിധായകന്‍ രതീഷ് വേഗയാണ് ‘അനുരാഗ പുതുമഴ പോലെ’ എന്നു തുടങ്ങുന്ന ഈ അച്ചായന്‍സ് എന്ന ചിത്രത്തിന്‍റെ ഗാനത്തിന്‍റെയും സംഗീത സംവിധാനം നിർവഹിച്ചിരിക്കുന്നത്. ഉണ്ണി മുകുന്ദനും രതീഷ് വേഗയും ചേർന്നാണ് രചന. ഉണ്ണിയും ശിവദയുമാണ് ഗാനരംഗത്തിൽ പ്രത്യക്ഷപ്പെടുന്നത്
Post Your Comments