ഒപ്പം സിനിമയില്‍ മലയാളത്തിന്റെ താര രാജാവ് മോഹന്‍ലാലിനൊപ്പം പ്രധാന വേഷത്തിലെത്തി പ്രേക്ഷക ശ്രദ്ധ നേടിയ മീനാക്ഷിയുടെ പുതിയ ചിത്രം ഉടന്‍ പുറത്തിറങ്ങും.
പ്രതികരിക്കാത്ത സമൂഹത്തില്‍ ഒരു ഓര്‍മ്മക്കുറിപ്പുമായി പുറത്തിറങ്ങുന്ന എന്റെ മീനാക്ഷി എന്ന ചിത്രത്തില്‍ ടൈറ്റില്‍ റോളിലാണ് മീനാക്ഷി എത്തുന്നത്. ഒരു ഗ്രാമത്തിലെ ജനങ്ങളുടെ മുഴുവന്‍ കണ്ണിലുണ്ണിയായ മീനാക്ഷിയെ സാമൂഹിക വിരുദ്ധ സംഘം തട്ടിക്കൊണ്ടുപോകുന്നതും അതിനെ തുടർന്നുണ്ടാകുന്ന സംഭവ വികാസങ്ങളുമാണ് ചിത്രത്തിന്റെ പ്രമേയം. ഭിക്ഷാടന മാഫിയയ്ക്കെതിരെ അതിശക്തമായി പ്രതികരിക്കുന്ന സിനിമയാണിത്.
അനിൽരാജാണ് ചിത്രത്തിന്റെ രചനയും സംവിധാനവും നിർവഹിക്കുന്നത്. കൊച്ചൗസേപ്പ് ചിറ്റിലപ്പള്ളി പ്രധാന റോളിൽ അഭിനയിക്കുന്നുവെന്നതും സിനിമയുടെ പ്രത്യേകതയാണ്. ഷമ്മി തിലകൻ, രാജീവ്, സുനിൽ രാമചന്ദ്രൻ, ബൃന്ദ ബെന്നി, ഇന്ദു, ശബരി തുടങ്ങിയവരാണ് മറ്റ് അഭിനേതാക്കൾ. നിർമ്മാതാവായ ബെന്നി തന്നെയാണ് ക്യാമറ കൈകാര്യം ചെയ്യുന്നത്.
കോട്ടയം ജില്ലയുടെ കിഴക്കൻ മേഖലകളിൽ ചിത്രീകരണം പൂർത്തിയാക്കിയ എന്റെ മീനാക്ഷി ഉടൻ പ്രദർശനത്തിനെത്തും. കോട്ടയം കിടങ്ങൂർ പാദുവാ വട്ടംപറമ്പിൽ അനൂപിന്റെയും രമ്യയുടെയും മകളാണ് മീനാക്ഷി. 4 വയസുകാരൻ ആരിഷ് ഏക സഹോദരനാണ്.
Post Your Comments