മലയാള സിനിമയില്‍ ചരിത്രം കുറിച്ച പുലിമുരുകൻ തരംഗം അവസാനിക്കുന്നില്ല. പുലികളെ വിറപ്പിച്ച്, പുലിയൂരിനെ രക്ഷിച്ച മുരുകന്റെ പുലിപ്പല്ല് മാല മോഹൻലാലിന്റെ തന്നെ ദ് കംപ്ലീറ്റ് ആക്ടര്‍ എന്ന വെബ്‌സൈറ്റിലാണ് ലേലത്തിൽ വച്ചിരുന്നത്. പുലിപ്പല്ലിന്റെ മാതൃകയിലുളള മാല സ്വന്തമാക്കാന്‍ ആരാധകൻ മുടക്കിയത് ഒരു ലക്ഷത്തിപതിനയ്യായിരം രൂപ. മാത്യു ജോസ് ആണ് പുലിമുരുകൻ മാല സ്വന്തമാക്കിയത്.
മാത്യുവിന് മോഹൻലാൽ തന്നെ ഈ പുലിമുരുകൻ മാല കൈമാറും. ലേലത്തില്‍ നിന്ന് ലഭിക്കുന്ന തുക പൂര്‍ണമായും ജീവ കാരുണ്യ പ്രവര്‍ത്തനങ്ങള്‍ക്കാണ് ഉപയോഗിക്കുക.
മോഹൽലാലിന്റെ സിനിമകള്‍, ഫോട്ടോകൾ, വാര്‍ത്തകള്‍, ബ്ലോഗ് എന്നിവയുടെ വിശദമായ വിവരങ്ങളും മോഹൻലാലുമായി ബന്ധപ്പെട്ട പുസ്തകങ്ങള്‍, മോഹൻലാലിന്റെ കൈയ്യൊപ്പ് പതിഞ്ഞ പുസ്തകങ്ങൾ, ടി ഷര്‍ട്ട്, എന്നിവയും സൈറ്റില്‍ ലഭ്യമാണ്.
Post Your Comments