ബാഹുബലി ഇറങ്ങിയതിനു ശേഷം ഏറ്റവും കൂടുതല്‍ ആരാധികമാര്‍ ഉണ്ടായിരുന്ന ബാച്ചിലറായ നടനായിരുന്നു പ്രഭാസ്. എസ്എസ് രാജമൗലി സംവിധാനം ചെയ്ത ബ്രഹ്മാണ്ഡ ചിത്രത്തിന്റെ രണ്ടാം ഭാഗം ഏപ്രിലിലാണ് റിലീസ് ചെയ്യുന്നത്. എന്നാല്‍ അടുത്ത സിനിമയ്ക്ക് മുമ്പ് തന്നെ തന്റെ വിവാഹ കാര്യം പ്രഭാസ് പ്രഖ്യാപിക്കുമെന്നാണ് ഇതുവരെയുള്ള റിപ്പോര്‍ട്ട്‌. അതേസമയം പ്രഭാസിന്റെ വിവാഹം സംബന്ധിച്ച ഒരു കാര്യവും വീട്ടുകാര്‍ ഇതുവരെ സ്ഥിരീകരിച്ചിട്ടിട്ടില്ല.
പ്രഭാസിനൊപ്പം അനുഷ്‌ക്കാ ഷെട്ടി, റാണാ ദുഗ്ഗബദി, തമന്ന എന്നിവരാണ് സിനിമയിലുള്ളത്.പ്രഭാസിന്റെ വിവാഹനിശ്ചയം നേരത്തെ 22കാരിയുമായി ഉറപ്പിച്ചിരുന്നു. എന്നാല്‍ ബാഹുബലിക്കു വേണ്ടി വിവാഹം വൈകിപ്പിച്ചതിനാൽ നിശ്ചയിച്ചുറപ്പിച്ച വിവാഹം മുടങ്ങിയതായും ഇതിനിടെ വാർത്ത പുറത്തുവന്നിരുന്നു.
ബാഹുബലി 2 റിലീസിന് പിന്നാലെ തന്നെ താരം വിവാഹിതനാകുമെന്നും ഇത് മിക്കവാറും അറേഞ്ച്ഡ് മാര്യേജ് ആയിരിക്കുമെന്നുമാണ് വിവരം. താരത്തിനായി ഒരു പെണ്‍കുട്ടിയെ വീട്ടുകാര്‍ കണ്ടു വെച്ചു കഴിഞ്ഞെന്നും വിവാഹത്തീയതി പ്രഖ്യാപിക്കാന്‍ അനുയോജ്യമായ ഒരു സമയത്തിനായി കാത്തിരിക്കുകയാണെന്നുമാണ് സൂചന.
Post Your Comments