ദീപന്‍ ഇനി ദീപ്തമായ ഓര്‍മ്മ

ഇന്നലെ അന്തരിച്ച യുവ സം​വി​ധാ​യ​കൻ ദീ​പന്റെ (46) സംസ്കാരം നടന്നു. ക​രൾ സം​ബ​ന്ധ​മായ അ​സു​ഖ​ത്തെ തു​ടർ​ന്ന് ര​ണ്ടാ​ഴ്ച​യാ​യി എ​റ​ണാ​കു​ള​ത്തെ സ്വ​കാ​ര്യ ആ​ശു​പ​ത്രി​യി​ല്‍ ചികിത്സയിലായിരുന്ന ദീപൻ ഇന്നലെ രാവിലെ 10.47നാണ് അന്തരിച്ചത്. ഇന്ന് രാവിലെ 10.30ന് നേമം മെരിലാൻഡ് സ്റ്റുഡിയോയ്ക്ക് സമീപമുള്ള ദീപന്റെ വീടായ ദീപാ നിവാസിലായിരുന്നു സംസ്കാരം.

ഇന്നലെ ഉ​ച്ച​യ്ക്ക് 1.30​ന് ഇ​ട​പ്പ​ള്ളി ച​ങ്ങ​മ്പുഴ പാർ​ക്കി​നു സ​മീ​പം ദീ​പൻ താ​മ​സി​ച്ചി​രു​ന്ന ഫ്‌​ളാ​റ്റിൽ പൊ​തു​ദർ​ശ​ന​ത്തി​ന് വ​ച്ചു. അവിടെ മ​മ്മൂ​ട്ടി, സം​വി​ധാ​യ​കൻ സി​ദ്ദി​ഖ് തു​ട​ങ്ങി​യ​വർ അ​ന്തി​മോ​പ​ചാ​ര​മർ​പ്പി​ക്കാൻ എത്തിയിരുന്നു. രാത്രി ഒൻപതു മണിയോടെ തിരുവനന്തപുരത്തെ വീട്ടില്‍ ദീ​പന്റെ മൃതദേഹം എത്തിച്ചു. തിരുവനന്തപുത്തെ വീട്ടിൽ നടന്മാരായ ജയറാം, സിദ്ദിഖ്, രഞ്ജി പണിക്കർ, സംവിധായകൻ ബി. ഉണ്ണിക്കൃഷ്ണൻ, ഡബിംഗ് ആർട്ടിസ്റ്റ് ഭാഗ്യലക്ഷ്മി തുടങ്ങി സിനിമാ മേഖലയിലെയും മറ്റും നിരവധി പേർ ആദരാഞ്ജലികൾ അർപ്പിക്കാൻ എത്തി.

പ​രേ​ത​നായ വെ​ളി​യം ച​ന്ദ്ര​ശേ​ഖ​ര​ന്റെ​യും ഡ​ബ്ബിം​ഗ് ആർ​ട്ടി​സ്റ്റ് ആ​ന​ന്ദ​വ​ല്ലി​യു​ടെ​യും മ​ക​നാ​ണ് ദീപന്‍. ഷാ​ജി കൈ​ലാ​സ് ഉൾ​പ്പെ​ടെ ഒ​ട്ടേ​റെ പ്ര​മു​ഖ​രു​ടെ സ​ഹ​സം​വി​ധാ​യ​ക​നാ​യി പ്ര​വർ​ത്തി​ച്ച ദീ​പൻ 2003ൽ സാ​യി​കു​മാ​റി​നെ നാ​യ​ക​നാ​ക്കി ‘ദ കിം​ഗ് മേ​ക്കർ ലീ​ഡർ’ എ​ന്ന സി​നി​മ​യി​ലൂ​ടെ​യാ​ണ് സ്വ​ത​ന്ത്ര സം​വി​ധാ​യ​ക​നാ​യ​ത്. 2009​ല്‍ പൃഥിരാജ് നായകനായ പു​തി​യ​മു​ഖം എ​ന്ന സൂ​പ്പർ​ഹി​റ്റ് ചി​ത്ര​ത്തോടെ മുന്‍ നിര സംവിധായകനായി. ഹീ​റോ, സിം, ഗാം​ഗ്സ് ഒ​ഫ് വ​ട​ക്കും​നാ​ഥൻ, ഡോൾ​ഫിൻ​സ് എ​ന്നീ ചി​ത്ര​ങ്ങ​ളും അദ്ദേഹം സം​വി​ധാ​നം ചെ​യ്തു. സു​രേ​ഷ് ഗോ​പി നാ​യ​ക​നായ ഡോൾ​ഫിൻ ബാ​റാ​ണ് ദീ​പ​ന്റേ​താ​യി അ​വ​സാ​നം പു​റ​ത്തി​റ​ങ്ങിയ ചി​ത്രം. ജയറാം നായകനായ സത്യയുടെ മിക്സിംഗ് ജോലികൾ പുരോഗമിക്കുന്നതിനിടയിലാണ് ദീപന് അസുഖം മൂർച്ഛിച്ചതും മരണത്തിനു കീഴടങ്ങിയതും