ചാര്‍ലി എന്ന സിനിമയ്ക്ക് ശേഷം മാര്‍ട്ടിന്‍ പ്രക്കാട്ടും നടന്‍ ജോജു ജോര്‍ജ്ജും ചേര്‍ന്ന് നിര്‍മ്മിക്കുന്ന സിനിമയില്‍ മഞ്ജു വാര്യര്‍ നായിക. മാര്‍ട്ടിന്‍ പ്രക്കാട്ടിന്റെ സഹസംവിധായകനായിരുന്ന പ്രവീണ്‍ സി ജോസഫ് സംവിധാനം ചെയ്യുന്ന ചിത്രത്തിന്റെ തിരക്കഥ നവീന്‍ ഭാസ്‌കറാണ്.
ചിത്രത്തിലെ പ്രധാന കഥാപാത്രങ്ങളാകാന്‍ 13 നും 15നും ഇടയില്‍ പ്രായമുള്ള ആണ്‍കുട്ടിയെയും പെണ്‍കുട്ടിയെയും ആവശ്യമുണ്ടെന്ന കാസ്റ്റിംഗ് കോള്‍ അണിയറക്കാര്‍ പുറത്തുവിട്ടിട്ടുണ്ട്. മഞ്ജു വാര്യര്‍ക്കൊപ്പം അഭിനയിക്കാനുള്ള അവസരമാണ് പ്രതിഭകള്‍ക്ക് വാഗ്ദാനം ചെയ്യുന്നത്. താല്‍പര്യമുള്ളവർ castingthescene@gmail.com എന്ന മെയിൽ ഐഡിയിൽ ഒറിജിനൽ ഫോട്ടോയും വിവരങ്ങളും അയക്കുക.
മലയാളത്തിന്റെ ശ്രദ്ധേയനായ യുവസംവിധായകൻ മാർട്ടിൻ പ്രക്കാട്ടും ജോജുജോർജും ചേർന്ന് ‘ചാർളി’എന്ന സൂപ്പർഹിറ്റ് സിനിമയ്ക്ക് ശേഷം നിർമിക്കുന്ന പുതിയ സിനിമയിൽ അഭിനയിക്കാൻ പോകുന്നതിന്റെ ആവേശത്തിലാണ് ഞാൻ. എനിക്കൊപ്പം പ്രധാന കഥാപാത്രങ്ങളെ അവതരിപ്പിക്കാൻ മലയാളിത്തമുള്ള പെൺകുട്ടികളെയും ആൺകുട്ടികളെയും തേടുന്നു. കാത്തിരിക്കുകയാണ്,ഞാൻ നിങ്ങളോടൊപ്പം അഭിനയിക്കുവാൻ മഞ്ജു വാര്യര്‍ തന്‍റെ ഫേസ് ബുക്ക് പോസ്റ്റില്‍ കുറിക്കുന്നു.
അനുരാഗകരിക്കിന്‍വെള്ളം എന്ന സൂപ്പര്‍ഹിറ്റ് ചിത്രത്തിന് ശേഷം നവീന്‍ ഭാസ്‌കര്‍ തിരക്കഥയെഴുതുന്ന ചിത്രവുമാണ് ഇത്.
Post Your Comments