ഇന്ത്യയിലെ എക്കാലത്തെയും ശക്തയായ രാഷ്ട്രീയ നേതാക്കളിലൊരാളാണ് ഇന്ദിരാഗാന്ധി. ഇന്ദിരയുടെ ജീവിതവും രാഷ്ട്രീയവും പ്രമേയമാകുന്ന ചലച്ചിത്രം ബോളിവുഡില്‍ ഒരുങ്ങുന്നു. ഇന്ദു സര്‍ക്കാര്‍ എന്ന് പേരിട്ടിരിക്കുന്ന സിനിമ സംവിധാനം ചെയ്യുന്നത് ദേശീയ അവാര്‍ഡ്‌ജേതാവായ മധു ബന്താര്‍ക്കറാണ്.1975-1977 ല്‍ ഇന്ത്യയ്ക്ക് നേരിടേണ്ടി വന്ന അടിയന്തരാവസ്ഥയാണ് ചിത്രത്തിന്റെ പ്രമേയം.
ബോളിവുഡിലെ യുവതാരങ്ങളിലൊരാളായ നീല്‍ നിധിന്‍ മുകേഷ് ചിത്രത്തില്‍ സജ്ഞയ് ഗാന്ധിയുടെ വേഷത്തിലെത്തുന്നു. തനിക്ക് ലഭിച്ച ഏറ്റവും മികച്ച കഥാപാത്രമായി ഈ വേഷത്തെ കാണുന്ന നീല്‍ നിധിന്‍ മുകേഷ് കഥാപാത്രത്തിനുവേണ്ടി ധാരാളം മുന്നൊരുക്കങ്ങള്‍ നടത്തിയതായി പറയുന്നു. ചിത്രത്തിന്റെ ഫസ്റ്റ്‍ലുക്ക് പോസ്റ്റര്‍ എത്തി.
Post Your Comments