മലയാള സിനിമാ ലോകത്ത് വ്യത്യസ്തമായ ഒരു ആലാപന ശൈലിയോടെ കടന്നുവന്ന വ്യക്തിയാണ് അരിസ്റ്റോ സുരേഷ്.
ആക്ഷന്‍ ഹീറോ ബിജുവിലെ മുത്തേ പൊന്നേ പിണങ്ങല്ലേ എന്ന ഗാനം ആലപിച്ച അരിസ്റ്റോ സുരേഷ് വീണ്ടും സിനിമാ പിന്നണി ഗാനരംഗത്തേക്ക്.
നവാഗതനായ വൈശാഖ് പുന്ന സംവിധാനം ചെയ്യുന്ന ഡ്രൈ എന്ന ചിത്രത്തിലാണ് സുരേഷ് വീണ്ടും പാടുന്നത്. എങ്ങാനും…. എന്ന് തുടങ്ങുന്ന സുരേഷ് ആലപിച്ച ഗാനം പുറത്തിറങ്ങി. വി എസ് സത്യന്‍ വരികളെഴുതിയ ഗാനത്തിന് സംഗീതം നല്‍കിയത് എം ടി വിക്രാന്താണ്. മുത്തേ പൊന്നേക്ക് ശേഷം അരിസ്റ്റോ സുരേഷ് ആലപിച്ച ഏതാനും ആല്‍ബം ഗാനങ്ങള്‍ പുറത്തിറങ്ങിയിരുന്നു.. അരിസ്റ്റോ സുരേഷിന്‍റെ രണ്ടാമത്തെ സിനിമാ ഗാനമാണിത്.
സംവിധായകന്‍ വൈശാഖ് പുന്ന തന്നെയാണ് ഡ്രൈയുടെ തിരക്കഥയും ഒരുക്കിയത്. ഡ്രൈയില്‍ റോഷന്‍ മാത്യൂസ്, നവാസ്, ക്രിസ് ലോയ്ഡ് എന്നിവരാണ് അഭിനേതാക്കള്‍. ടൂറിങ് സിനിമാസിന്‍റെ ബാനറില്‍ നിരൂപ് ഗുപ്ത നിര്‍മിച്ച ഡ്രൈ ഉടന്‍ തീയറ്ററുകളിലെത്തും.
Post Your Comments