മമ്മൂട്ടിയുടെ വേറിട്ട പൊലീസ് കഥാപാത്രമായിരുന്നു കസബ എന്ന ചിത്രത്തിലേത്. സിനിമയുടെ സംഘടന ചിത്രീകരണത്തിനിടെ നടന്‍ അലന്‍സിയര്‍ തെറിച്ച് പോയി വീഴുന്ന രംഗം ചിത്രീകരിക്കുമ്പോള്‍ 52വയസ്സുള്ള അലന്‍സിയറെ കൊണ്ട് ആ രംഗം എടുക്കണോ എന്നായിരുന്നു അണിയറക്കാരുടെ സംശയം. ആദ്യമായി മമ്മൂട്ടിയോടൊപ്പം അഭിനയിക്കുന്നതിന്റെ പരിഭ്രമത്തിലായിരുന്നു അലന്‍സിയറും. ഒടുവില്‍ അലന്‍സിയറോട് മമ്മൂട്ടി പ്രായം എത്രയുണ്ടെന്ന് തിരക്കി. 52 വയസ്സുണ്ടെന്ന് അലന്‍സിയര്‍ പറഞ്ഞപ്പോള്‍ മമ്മൂട്ടിയുടെ മറുപടി ഇതായിരുന്നു. “ലാലിനേക്കാള്‍ ചെറുപ്പമാണ് അതുകൊണ്ട് ഈ രംഗം ഇദ്ദേഹം തന്നെ ചെയ്തോളും”. ഒരു ടിവി ചാനലിന് നല്‍കിയ അഭിമുഖത്തിലാണ് കസബയിലെ രസകരമായ സംഭവത്തെക്കുറിച്ച് അലന്‍സിയര്‍ മനസ്സ് തുറന്നത്.
Post Your Comments