കൊച്ചിയില്‍ മലയാളത്തിലെ പ്രമുഖ നടി ആക്രമിക്കപ്പെട്ട സംഭവത്തില്‍ ഗൂഢാലോചന ഉണ്ടെന്ന് അരിയാഹാരം കഴിക്കുന്ന എല്ലാ മലയാളിയും സംശയിക്കുന്നുവെന്ന് സംവിധായകന്‍ വിനയന്‍. നീചമായ ക്രുരതയ്ക് മുന്നിലും പിന്നിലും പ്രവര്‍ത്തിച്ചവരെ നിയമത്തിന്റെ മുന്നില്‍ കൊണ്ടുവന്ന് കടുത്ത ശിക്ഷ നല്‍കാന്‍ കഴിഞ്ഞില്ലെങ്കില്‍ നമ്മുടെ അഭ്യന്തര വകുപ്പിന്റെയും പോലീസിന്റെയും മുഖം നഷ്ടപ്പെടുമെന്നും വിനയന്‍ തന്റെ ഫേസ് ബുക്ക് പോസ്റ്റില്‍ കുറിക്കുന്നു. സിനിമയിലേക്ക് തിരിച്ചെത്തിയ നടിക്കും പൂര്‍ണ്ണ പിന്തുണയുമായിഒപ്പമുണ്ടായിരുന്ന പൃഥ്വിരാജിനും അഭിനന്ദനവും വിനയന്‍ അറിയിക്കുന്നു.
വിനയന്‍റെ ഫേസ് ബുക്ക് പോസ്റ്റ്‌
പൃഥ്വിരാജിനും പ്രിയനടിക്കും അഭിനന്ദനങ്ങൾ…..
താൻ ജോലിചെയ്യുന്ന മേഖലയിൽ നിന്നു തന്നെ അപ്രതീക്ഷിതമായി.. നീചരും കപടവേഷധാരികളുമായ, ചില കറുത്ത ശക്തികൾ തന്നെ കരുതിക്കൂട്ടി നശിപ്പിക്കാൻ പുറപ്പെട്ടപ്പോൾ ആ അക്രമണത്തിൽ പകച്ചു പോയെൻകിലും തളരാതെ ജീവിതം തിരിച്ചു പിടിക്കാൻ പ്രശസ്തയായ കലാകാരി കാണിച്ച ധൈര്യവും, ഈ പ്രതിസന്ധി ഘട്ടത്തിൽ അവളുടെ പ്രൊഫഷനായ സിനിമാ അഭിനയത്തിലേക്ക് ഉടൻ തന്നെ അവളെ മടക്കിക്കൊണ്ടു വരാൻ നടൻ പൃഥ്വിരാജ് കൊടുത്ത പ്രോൽസാഹനവും അഭിനന്ദനാർഹമാണ് . ഇന്നു ഷൂട്ടിംഗ് തുടങ്ങിയ അവരുടെ സിനിമയ്കും ഭാവുകങ്ങൾ നേരുന്നു ..
പ്രിയ നടിക്കു പിടിച്ചു നിൽക്കാൻ തന്‍റെടം പകർന്നു നൽകിയ മഞ്ജുവാര്യർ ഉൾപ്പടെയുള്ള സഹ പ്രവർത്തകരേയും ഈ അവസരത്തിൽ അഭിനന്ദിക്കുന്നു.. ആരും തകർന്നുപോകുന്ന അവസ്ഥയിലും ഈ കലാകാരി കാണിച്ച ആത്മ ധൈര്യം ഇന്നാട്ടിലേ എല്ലാ പെൺകുട്ടികൾക്കും മാതൃകയാണ്.
അവളോടു ചെയ്ത നീചമായ ക്രുരതയ്ക് മുന്നിലും പിന്നിലുംപ്രവർത്തിച്ചവരേ നിയമത്തിൻെറ മുന്നിൽ കൊണ്ടുവന്ന് കടുത്ത ശിക്ഷ നൽകാൻ കഴിഞ്ഞില്ലൻകിൽ നമ്മുടെ അഭ്യന്തര വകുപ്പിൻെറയും പോലീസിൻെറയും മുഖം നഷ്ടപ്പെടും…കാരണം ഈ ആക്രമണത്തിനു പിന്നിൽ ഗൂഢാലോചന ഉണ്ടന്ന് അരിയാഹാരം കഴിക്കുന്ന എല്ലാ മലയാളിയും സംശയിക്കുന്നു.. ആ സംശയം ദൂരീകരിക്കാൻ പഴുതടച്ച പോലീസ് അന്വേഷണമാണു വേണ്ടത് അല്ലാതെ ഉന്നതങ്ങളിൽ നിന്നുള്ള പ്രവചനങ്ങളല്ലാ…
മാത്രമല്ല പ്രശസ്തയായ ഒരു താരത്തിനു പോലും നീതിലഭിക്കാതെ പോലീസിനെയും ഭരണാധികാരികളെയും കൈകാര്യം ചെയ്യാൻ തക്ക കറുത്ത കരങ്ങൾ ഈ നാട്ടിലുണ്ടന്നു വന്നാൽ …. പിന്നെ ഇവിടുത്തെ സാധാരണ പെൺകുട്ടികളുടെ അവസ്ഥ എന്താകും… കേരളത്തിൻെറ മനസാക്ഷി പോലും മരവിച്ചു പോകില്ലേ..?ഹ
Post Your Comments