ആക്രമണത്തിനിരയായ നടി ഞെട്ടിക്കുന്ന വിവരങ്ങളാണ് തന്നോട് വെളിപ്പെടുത്തിയതെന്ന്‍ ഭാഗ്യലക്ഷ്മി

യുവ നടി ആക്രമിക്കപ്പെട്ട സംഭവത്തില്‍ പുതിയ വെളിപ്പെടുത്തലുമായി ഭാഗ്യലക്ഷ്മി. തനിക്ക് ക്വട്ടേഷന്‍ നല്‍കിയത് ഒരു സ്ത്രീയാണെന്ന് പള്‍സര്‍ സുനി ആക്രമണത്തിനിരയായ നടിയോട് പറഞ്ഞതായാണ് ഭാഗ്യലക്ഷ്മിയുടെ വെളിപ്പെടുത്തല്‍. ഒരു പ്രമുഖ ചാനലില്‍ സംസാരിക്കവേയായിരുന്നു ഭാഗ്യലക്ഷ്മിയുടെ പ്രതികരണം.

ക്വട്ടേഷനാണെങ്കില്‍ കൂടുതല്‍ പണം തരാമെന്ന് പള്‍സര്‍ സുനിയോട് പറഞ്ഞിട്ടും അവര്‍ ഉപദ്രവിച്ചതായും ഭാഗ്യലക്ഷ്മി പറയുന്നു. ആരുടെ ക്വട്ടേഷനാണെങ്കിലും ഇങ്ങനെ ക്രൂരമായി പെരുമാറാന്‍ ഒരാള്‍ക്ക് സാധിക്കുമോയെന്നും, ആക്രമണത്തിനിരയായ നടി ഞെട്ടിക്കുന്ന വിവരങ്ങളാണ് തന്നോട് വെളിപ്പെടുത്തിയതെന്നും ഭാഗ്യലക്ഷ്മി വ്യക്തമാക്കുന്നു.