ബോളിവുഡ് നടി പ്രിയങ്ക ചോപ്ര ഇപ്പോള്‍ അമേരിക്കന്‍ ടെലിവിഷന്‍ സീരിയിലിലെ പ്രമുഖ താരമാണ്. താരത്തെ സംബന്ധിച്ചു ഏറ്റവും മികച്ചൊരു വര്‍ഷമാണ്‌ കടന്നു പോയതെങ്കില്‍ ഈ വര്‍ഷത്തിന്‍റെ തുടക്കത്തില്‍ മറ്റൊരു തിരിച്ചടി നേരിട്ടിരിക്കുകയാണ് പ്രിയങ്കയ്ക്ക്. പ്രിയങ്ക പ്രധാന റോളിലെത്തുന്ന അമേരിക്കന്‍ ടെലിവിഷന്‍ പരമ്പര ‘ക്വാണ്ടിക്കോ’ നിര്‍ത്താന്‍ ഒരുങ്ങുന്നതായി സൂചന. പരിപാടിയുടെ റേറ്റിംഗ് കുറഞ്ഞതാണ് സീരിയല്‍ അവസാനിപ്പിക്കാന്‍ സീരിയല്‍ നിര്‍മ്മാതാക്കളെ നിര്‍ബന്ധിതരാക്കിയത്. കാണാന്‍ ആളില്ലാത്തതിനാല്‍ സീരിയല്‍ ഇനിയും മുന്നോട്ട് പോകാന്‍ കഴിയില്ലെന്ന് നിര്‍മ്മാതാക്കള്‍ അറിയിച്ചു. മികച്ച അഭിപ്രായം നേടിയ ടെലിവിഷന്‍ പരമ്പരയായിരുന്നു ‘ക്വാണ്ടിക്കോ’. പക്ഷേ മറ്റു ചില വ്യത്യസ്ഥ സീരിയലുകള്‍ ചാനലില്‍ എത്തിയതോടെ ‘ക്വാണ്ടിക്കോ’യുടെ റേറ്റിംഗ് താഴേക്ക് പോകുകയായിരുന്നു.
Post Your Comments