ബി ഉണ്ണികൃഷ്ണന്‍ മോഹന്‍ലാല്‍ കൂട്ടുകെട്ടില്‍ ഒരു ചിത്രം വരുന്നുവെന്ന വാര്‍ത്ത കഴിഞ്ഞ വര്ഷം മുതല്‍ കേള്‍ക്കുകയാണ്. ഇപ്പോള്‍ ചിത്രത്തെക്കുറിച്ച് കൂടുതല്‍ വിവരങ്ങള്‍ പുറത്തുവരുകയാണ്. തെന്നിന്ത്യയിലെ മികച്ച അഭിനേതാക്കള്‍ വിശാല്‍, ശ്രീകാന്ത്, ഹന്‍സിക മോട്ട്‌വാനി തുടങ്ങിയവര്‍ ഈ ചിത്രത്തില്‍ അഭിനയിക്കുന്നു. സിനിമ രംഗത്തേയ്ക്കുള്ള തന്റെ രണ്ടാം വരവ് ആഘോഷമാക്കിയ മഞ്ജു വാര്യരാണ് ഈ ചിത്രത്തില്‍ മോഹന്ലാലിന്റെ നായിക.
മലയാള ചിത്രങ്ങളില്‍ തന്റെ ഗ്രാമീണ സൗന്ദര്യം നിറഞ്ഞ കഥാപാത്രങ്ങള്‍ ചെയ്ത മഞ്ജു കന്മദം, ആറാം തമ്പുരാന്‍ , സമ്മര്‍ ഇന്‍ ബത്ലഹേം എന്നീ ചിത്രങ്ങളില്‍ മോഹന്ലാലിന്റെ നായികയായി. സിനിമാ രംഗത്ത് വീണ്ടും സജീവമായപ്പോഴും എന്നും എപ്പോഴുമെന്ന ചിത്രത്തില്‍ മോഹന്ലാലിന്റെ നായികയായി എത്തി. ഈ ചിത്രത്തിനു ശേഷം വീണ്ടും ഇരുവരും ഒന്നിക്കുകയാണ് ഉണ്ണികൃഷ്ണന്‍ ചിത്രത്തിലൂടെ.
കൂടാതെ പുലിമുരുകനിലെ സംഘട്ടനരംഗങ്ങള്‍ വഴി ആരാധകരെ നേടിയ സ്റ്റണ്ട് ഡയറക്ടര്‍ പീറ്റര്‍ ഹെയ്നും സ്റ്റണ്ട് സില്‍വയും ചേര്‍ന്നാണ് ചിത്രത്തിന്റെ ആക്ഷന്‍ കൊറിയോഗ്രഫി നിര്‍വഹിക്കുക.
ശരീരഭാരം കുറച്ച് പുതിയ മേക്കോവറിലാണ് മോഹന്‍ലാല്‍ ഈ ചിത്രത്തിലെത്തുക. കഥാപാത്രത്തിന്റെ തയ്യാറെടുപ്പിന്റെ ഭാഗമായി പൂമുള്ളിയില്‍ ആയുര്‍വേദ ചികിത്സയിലാണ് ഇപ്പോള്‍ മോഹന്‍ലാല്‍.
25-30 കോടി ബജറ്റിലൊരുങ്ങുന്ന ചിത്രത്തിന്റെ ഛായാഗ്രഹണം വിണ്ണൈ താണ്ടി വരുവായാ, നന്‍പന്‍ തുടങ്ങിയ സിനിമകളുടെ ഛായാഗ്രാഹകനായ മനോജ് പരമഹംസയാണ്. ചിത്രീകരണം പുരോഗമിക്കുന്ന ഈ ചിത്രത്തില്‍ അജു വര്‍ഗീസ്, ചെമ്പന്‍ വിനോദ് ജോസ് എന്നിവര്‍ മറ്റ് പ്രധാന കഥാപാത്രങ്ങളെ അവതരിപ്പിക്കുന്നു. കലാസംവിധാനം ഗോകുല്‍ ദാസ്. സംഗീതം: ഫോര്‍ മ്യൂസിക്.
Post Your Comments